章節 22: Bagian ka 22
Sampe dirumah Adit langsung cari dia pe papi
"pi, papi"
"iyo giapa?"
"pi kemarin giapa om Arthur ba ba taria dirumah
"giapa ngana pangge ngana pe papa om sih"
"dia bukang kita pe papa kandung"
"Adit-Adit"
"t'rus tadi ngana mo ngomong apa"
"giapa kemarin dia teria-teria pangge nama orang"
"oh kalamaring, ngana pe papa pangge pa papi, dia nanya dimana berkas yang dia simpang kemarin"
"kong papi bilang apa?"
"kong papi bilang itu berkas ada disimpang diruang kerja ngana pe papa"
"kong apa dia ada baku dapa deng Adit pe tamang-tamang"
"nyanda, ngana pe papa nyanda baku dapa deng ngana pe tamang, abis ngana pe papa dapa itu berkas dia langsung buru-buru pigi katanya ada meeting penting"
"oh, bagitu tu carita"
"kong, kelanjutannya gimana pi" Adit
"kong, kong, kong ngana pi mandi jo ganti baju, lalu makang malam ama papi entar lagi ngana pe papa pulang"
"sana"
Adit nya hanya ta tawa cengegesan. Setelah Adit mandi, ganti baju, ator tu buku yang mo dibawa esok. Adit lalu gabung deng papi dan papa tirinya diruang makang. Seperti biasa Krisna yang mulai ba karlota dimeja makang karena Adit deng dia pe ayah tiri dorang pe ego masih tinggi.
Sementara itu di Shinta pe rumah. Ade dan Bella sedang makang malam berdua tanpa dorang pe mama. Abis makang
malam
dorang ka ruang tamu mo nonton TV, lagi-lagi dorang baku rebut remote TV dan kali ini Bella
yang menang. Ade pun uring-uringan nyanda jelas
"cici tadi ko Adit datang ka rumah"
"ha, apa"
"tadi ko Adit datang ka rumah!"
Ade ba taria di Bela pe kuping
"Ade! cici nyanda pongo giapa ba ba taria segala!"
"hu! abisnya Ade udah ngomong pelang-pelang tapi cici nyanda dengar"
"bekeng apa Adit ka mari?"
"Adit kamari nanyain dari mana cici bisa tau itu koko pe alamat rumah"
"t'rus Ade ngomong apa ka Adit?"
"Ade bilang cici pe tamang ada kase tu alamat"
"Ade! japa ngana bilang bagitu"
"koko kan ba tanya pa Ade jadi Ade jawab"
"Ade, Ade giapa Ade nyanda ba towo jo waktu Adit ba tanya"
"mama bilang nyanda bae kalo ba towo ntar nyanda maso surga"
"Ade, Ade pe polos skali ngana"
Shinta baru pulang kerja setelah Bela dan Ade so tidor pa dorang pe kamar masing-masing. Shinta masuk ka kamar Bella dan Ade dan mengucapkan slamat tidor sambil ciong pipi dia pe anak-anak setelah itu Shinta pi pa dia pe kamar, buka baju, melilitkan handuk pa dia pe bodi, ka kamar mandi, lalu
setelah mandi dia buka dia pe handuk, kase kering dia pe rambu, pake baju tidor, nae ka tampa tidor, ba rika, tutup mata dan tasono
每周推薦票狀態
-- 推薦票
榜單 
-- 推薦票