章節 30: "Kissing You"

Chapter 30. "Kissing You"

Ethina's POV

Kasabay ng pagtawag ni Shawn sa pangalan ni bisuso, natulala ako sa nakita ko. Magkasama sina Sanjun at bisugo. Magkaharapan silang dalawa. Habang nakatingin ako sa kanila, bigla akong nakaramdam ng pagsikip ng dibdib ko. Para akong pinapana sa puso, para akong tinutusok ng karayom. Bakit ba ako nasasaktan na makita sila.

Maglalakad na sana ako para lapitan si Sanjun pero napahinto ako ng biglang hawakan ni Shawn ang kamay ko. Napalingon ako sa kanya, nakita ko ang nagaalala niyang mukha. Nagaalala sa akin. Muli kong binalik ang tingin ko kina Sanjun, at nakita kong nakatingin si bisugo sa amin.

Kung babasahin ang mukha ni bisugo, kakaiba ang hitsura niya dahil para siyang maiiyak. Pero ang kinagulat ko ay ng bigla niyang ilapit ang mukha niya kay Sanjun para halikan. Agad na nanglaki ang mata ko, at hinila ko ang kamay kong hawak ni Shawn at tsaka tinawag si Sanjun.