章節 285: New Contract

Nagmamadali si Tanaga na pumasok sa loob ng hospital na halos magkandarapa siya. For the first time sa buong buhay niya, ngayon lang siya naglakad ng para bang hinahabol siya ni kamatayan.

Habang nakatayo siya sa harapan ng elevator, kung ano ano ang pumapasok sa kanyang isipan. Kaya naman bigla tuloy sumakit ang kanyang ulo dahil marami siyang butil butil at pira-pirasong nakikita na parang flashback.

Hindi niya namalayan na bumukas na pala ang elevator, kung hindi pa nagsalita ang bodyguard niya na nasa likuran.

"Sir, Jones sasakay po ba tayo?" Magalang na tanong ng isa sa dalawa niyang bodyguard. 

Biglang natauhan si Tanaga ng marinig niya ang tanong ng bodyguard na nasa likuran. Nagsalubong muna ang kilay bago ito sumagot. 

"Yes! Ano sa palagay mo, nakatayo tayo rito para mag pa picture?" Asar na sinagot ni Tanaga ang nagtanong niyang bodyguard sabay pasok sa loob ng nakabukas na elevator.