章節 136: Chapter 136

Hindi nga nagkamali si Tanaga sa kanyang iniisip.  Dahil pagdating niya sa mansion ni lola Hanada... Kahit man lang sa loob lang ng mansion ay ayaw siyang papasukin ni lola Hanada.  Talagang hinarangan siya ng matanda at kahit anong pilit at pagmamakaawa, wala pa ring nangyari.

"Beautiful kong lola... sige na naman o'  kailangan na makapag-usap kaming dalawa.  Hindi ko talaga alam kung ano ang mali kong ginawa.  Please... Lola! Sige na po!!!"  Pakiusap ni Tanaga sa lola niya na hindi naman siya pinakikinggan.

'Imbis na tulungan siya na magkausap at magkabati silang mag-asawa, nasermonan pa siya. Ke-klase!'  Sa isip ni Tanaga habang nag-iisip siya ng paraan.

"Apo!  Mas mabuti pa ay pabayaan mo na lang muna si Ashley at bukas mo na lang kausapin.  Tutal naman ay empleyada mo na siya, kaya siguradong magkikita rin kayo bukas sa opisina.