章節 382: Ang Mini Honey Moon (4)

"Inaasar ko lang ang mga kaibigan natin, sila Zhu Lingling at Gao Ran."

"Nag-aaway pa rin ba sila?" Kadalasan, walang interes si Qin Chu sa mga problema ng ibang tao, pero wala siyang masabi sa pagtrato nila Gao Ran at Zhu Lingling sa isa't isa.

"Sa tingin mo ay nag-aaway pa rin sila?" Tumawa si Huo Mian.

"Kung hindi, ano?"

"Fine, parehas tayo ng iniisip. Pero sa tingin ko, maayos nila ang kung ano mang namamagitan sa kanila. Hindi kayang ipagpatuloy ni Ms. Zhu Lingling ang ganung akto."

Kung saan man sila papunta, mukha itong malayo; limang oras na kasi silang nasa highway.

Habang nasa biyahe, tinatanong lagi ni Huo Mian kung gusto ba ni Qin Chu na siya muna ang magdrive pero lagi itong tinatanggian ni Qin Chu.

Sa totoo lang, hindi man lang siya inaantok kapag kasama niya ang asawa niya…

Pakiramdam niya nga ay mas maganda ang mga tanawin ngayon kaysa dati.