章節 93: Mga Maimpluwensiyang Tao

Chapter 93: Mga Maimpluwensiyang Tao

"Mr. Luo, pwede mo bang linawin? Hindi ako sigurado kung naintindihan ko ba talaga ang gusto mong sabihin."

Hindi na sigurado si Huo Mian sa kanyang paniniwalaan.

Dahil, itong taong ito ay sobrang mapagmataas at sumosobra na noong mga nakaraang araw. Anong nangyari sa mga koneksyon na pinagmamayabang niya? Paano naman ang mga kamag-anak ng client niya, na dapat ay mga maimpluwensiyang tao sa pulitika?

"May nangyari sa pamilya ng client ko mga dalawang gabi na ang lumipas. Dinakip sila para makuwestiyon tungkol sa pinaghihinalaang korupsyon, at sabi rin ng Ministry ng Transportation, iimbestigahan nila maigi ang nangyaring banggaan sa loob ng university campus. Kapag napatunayan na siya ang may sala, ang client kong si Lu Yigang ay masesentensyahan ng 5 hanggang 10 na taon sa kulungan."

"Woah, ayos yan. Pinapakita lang nito na hindi kayo makakapagtago sa batas habang buhay," ngumisi si Huo Mian.