章節 530: Labintatlong taon kitang minahal (1)
編輯: LiberReverieGroup
Kailangang magisip ni Lu Jinnian ng magandang plano para mapatunayan niya
kay Qiao Anhao na talagang sinabotahe ni Han Ruchu ang pagbubuntis nito.
At may naisip na siya.
Tuluyan ng nahimasmasan ang assistant nang marinig niya ang sagot ni Lu
Jinnian. Hang nakayakap sa mga dokumento, magalang siyang nagsalita, "Mr.
Lu, kung wala na po kayong kailangan, mauuna na po ako."
Hindi sumagot si Lu Jinnian at nagpatuloy lang ito sa pagbabasa sa listahan
na nakuha nito sa meeting kahapon patungkol sa iba't-ibang ideya kung paano
magkagirlfriend.
Hindi na inistorbo ng assistant si Lu Jinnian kaya tahimik siyang naglakad
palabas. Pero noong bubuksan niya na ang pintuan, bigla siyang pinahinto
nito. "Sandali lang."
"Mr. Lu, ano pong kailangan niyo?"
Inihagis ni Lu Jinnian sa lamesa ang isang dokumento at sinabi, "Base sa mga
litratong nasa loob, gawin mo yan para sa akin."
Naglakad pabalik ang assistant sa lamesa para kunin ang mga dokumento.
Mukhang candlelit dinner ang gustong mangyari ni Lu Jinnian. May mga
kakaibang ilaw na ayon sa request ay ipwepwesto sa mga salitang""Qiao
Qiao, pwede ba kitang ligawan?". "Qiao Qiao, labintatlong taon kitang
minahal", "Pwede ba kitang maging girlfriend, Qiao Qiao?"
Pagkasilip ng assistant sa mga detalye, hindi niya napigilan ang sarili niya na
purihin si Lu Jinnian, "Sobrang romantic! Mr. Lu…"
Bigla niyang binasa ang mga salitang saktong iniisip ni Lu Jinnian, "Sumasaya
lang ako kapag kasama kita…Qiao Qiao, pwede bang…"
Galing talaga sa puso ni Lu Jinnian ang mga salitang isinulat niya. Noong una,
wala siyang nararamdamang kahit ano pero bigla siyang nailang nang basahin
ito ng kanyang assistant ng malakas. Maikukumpara ang nararamdaman niya
sa pakiramdam ng isang binatang gustong makalapit sa babaeng
nagugustuhan nito.
Hindi mapakali si Lu Jinnian at sa sobrang hiya, biglang namula ang maputi
niyang mukha. Naiinis siyang umubo para linisin ang kanyang lalamunan at
pagalit na sinabi, "Labas!"
Dali-daling napatigil sa pagsasalita ang assistant at halos hindi na siya
makahinga sa sobrang kaba kaya habang nakayakap sa mga dokumento,
nagmamadali siyang tumakbo papunta sa bukas na pintuan, pero bago pa man
din siya makarating dito, muli nanamang nagsalita si Lu Jinnian na halatang
hindi sigurado, "kung manliligaw ba ako, sa tingin mo sasagutin niya ako?"
Napahinto siya sa paglalakad at mabilisang sinilip si Lu Jinnian. Nang
makumpirma niya na hindi ito galit, tuluyan na siyang humarap dito at
masayang sinabi, "Mr. Lu, sigurado akong sasagutin ka ni Miss Qiao!"
"Talaga?" Tanong ni Lu Jinnian. Bigla niyang naalala noong nagtanong siya
kagabi kay Qiao Anhao kung itutuloy niya ba. Hindi ito sumagot, pero habang
nagsesex sila, hindi naman din ito tumangi…So ibig sabihin, malaki talaga ang
tsansa niyam tama ba?
Kahit anong isipin ni Lu Jinnian para gumaan ang pakiramdam niya, hindi pa
rin talaga siya makampante kaya muli niyang tinanong ang kanyang assistant,
"Anong masasabi mo sa plano ko?"
"Maganda! Kung ako ang babae, siguradong kikiligin ako." Yun talaga ang
nararamdaman ng assistant kahit na mukhang sinasakyan niya lang si Lu
Jinnian. Alam niyang puso't kaluluwa ang ibinuhos nito para buuhin ang plano
at sa tingin niya, matagal na panahon ang iginugol nito para pagisipan ang
mga detalye….Isa pa, ang pinili nitong araw para manligaw ay sa susunod na
miyerkules, saktong Chinese Valentine's day…Sobrang romantic talaga…
Nang marinig ni Lu Jinnian ang sagot ng assistant, para siyang nakainom ng
chill pill. Dali dali siyang kumalma at walang emosyon na sinabi, "Pwede ka ng
umalis."
Sa pagkakataong ito, hindi na lumingon ang assistant nang muling magsalita
si Lu Jinnian, na halatang mas panatag na ngayon kumpara kanina, "Sigurado
ka bang maganda na talaga ang plano? Tignan mong mabutin wala na bang
kailangang idagdag? Anong palagay mo sa regalo? Sa tingin mo ba ayos na
'yan?"
May limang araw pa bago ang confession pero ngayon palang ay kinakabahan
na si Lu Jinnian kaya hindi siya makapagisip ng tama.
-- 收到的禮物 
-- 推薦票
榜單 
-- 推薦票