章節 1304: Matagal Nang Pinakahihintay na Eksena

Gamit ang isang Qi Blade ay sumabat ang Boundless Sea ni Fang Rui sa labanan sa pagitan ng dalawang mga numero unong manlalaro ng dalawang henerasyon. Hindi mabilang na mga manlalaro't, pati na ang mga Reporter ay napamura ng malakas matapos makita ang eksena na ito.

Hindi madaling mamalayan ang Qi Blade, kahit na kaharap mo ito. Idagdag pa na bilang isang patagong atake, kahit na ang numero unong manlalaro ng Alliance na si Zhou Zekai ay hindi ito namalayan.

Pero hindi ibig sabihin na hindi ito namalayan ng mga kasamahan ni Zhou Zekai.

Sa mga sandaling nakapagbigay ng babala si Jiang Botao ay kaagad namang umilag ang Cloud Piercer ni Zhou Zekai. Sa pagbibigay ng babala'y gumalaw ang binalaan. Naging masyadong mabilis, at maganda ang ginawang koordinasyon ng dalawa.

Pero sa pagkakataong ito ay papaanong hindi ito sasamantalahin ni Lord Grim para malapitan si Cloud Piercer?