章節 314: Hindi Ako Mapapagod Kahit na Lumipas man Ang Sampung Taon

"Hahaha, tama. Talagang ganiyan nga siya. Nakakatawa, hindi ba?"

Matapos marinig ang sinabi ni Ye Xiu ay tumango rin si Chen Guo at may sinabi pang ilang mga kataga tungkol kay Zhou Zekai.

Sa TV ay sumuko na rin sa wakas ang mga reporter kay Zhou Zekai, at ibinaling nila ang kanilang tingin kay Wang Jiexi. Malapit-lapit na ring matapos ang kaniyang interview.

Sa kalagitnaan ng kaniyang interview ay hindi siya nagkulang sa pagsabi na si Gao Yingjie na raw ang kinabukasan at pag-asa ng Tiny Herb.

Sa totoo lang ay hindi madaling maramdaman ng mga pangkaraniwang manlalaro ang ibig ipahiwatig ni Wang Jiexi. Pero para sa mga beteranong kagaya ni Ye Xiu ay hindi nila mapigilang maging emosyonal.

Lalo na si Ye Xiu na nung una pa lamang ay nakita na kung ano ang gusto niyang gawin. Sa kaniyang mga mata, si Gao Yingjie at Wang Jiexi ang naging pinakamakinang na bituin sa Rookie Challenge.