章節 144: Pabalik-balik

Ang dalawa ay naglaban. Hind inaasahan ni Tang Rou na deretsahang ginamit ng kalaban ang lahat niyang makakaya. Ang istilong ginamit niya ay ang istilong ginamit niya sa labanan nila ni Ye Xiu kahapon. Napakabilis at hindi nahuhulaan ang kaniyang mga galaw.

At dahil sa sobrang bilis ng kaniyang kalaban, kinailangang i-adjust ni Tang Rou ang kaniyang kamera ng paulit-ulit depende sa galaw ng kaniyang kalaban. Para kay Tang Rou na isang baguhan, malinaw na ang resulta.

Ang istilo ni Wang Jiexi na palagiang nagpabago-bago ay naging dahilan kung bakit walang nagawa si Tang Rou para kalabanin siya. Sa isang iglap, at sa loob lamang ng 27 na segundo ay lubos na natalo siya.

Iyan ang oras na nahinuha ni Ye Xiu.

Sa wakas ay naintindihan na ni Tang Rou kung gaano kapambihira ang labanang nasaksihan niya kahapon sa pagitan nina Fiery Blaze at Lord Grim.

Sobrang lakas. Napakalakas na napapatahimik niya ang lahat.