章節 208: Tinta

Puno ng tao ang Hongtian Academy.

Magsisimula na ang Freshmen Tournament.

Sampung libong estudyante ang naka enroll sa akademya, at pagkatapos ng kalahating buwan ng pag-aaral, panahon na upang makita ang resulta ng pagsasanay nila.

"Sino sa tingin mo ang mangunguna sa torneo ngayon?"

"Sa tingin ko yung taong nanguna sa entrance examination ang mangunguna ngayon. Pagkatapos na pagkatapos ng enrolment, umangat sa Fighter 2-dan ang kanyang cultivation. Isang buwan na ang lumipas mula noon, kaya malamang mas malakas na siya ngayon."

"Hindi lamang nakabase sa lakas ang Freshmen Tournament. Atsaka, kahit na malakas na siya bago pa siya nag-enroll, hindi nangangahulugan na magiging malakas pa rin siya ngayon. Narinig ko na ang ilang mga bagong estudyante ni Lu laoshi na kasali sa Teacher Evaluation ay naabot na din ang Fighter 2-dan. Higit pa dito, hindi sila mga direktang disipulo niya. Hindi natin alam kung matatalo niya sila!"