章節 1444: Muling Kumatok sa Pintuan ng Kamatayan (4)
編輯: LiberReverieGroup
"Tumayo… Tumayo ka at magsalita…" Natataranta si Ye Jie.
Ngunit ang babae sa halip ay diretso na nagsalita: "Ang Lord ng Clear Breeze City ay nagdala
ng grupo ng mga kawal dito at ngayon ay tinatanong niya ang lahat tungkol sa nangyari
kanina. Ang City Lord ay hindi tunay na mabuting tao at nagmamakaawa ako na mag-ingat si
Young Master Jun laban sa kaniya!"
"Ha?" Naguguluhan na si Ye Jie.
Iniisip ng babae na ang batang babae ay hindi naniniwala sa mga sinasabi niya at namula ang
mukha niya dahil sa pagkabalisa habang natatarantang nagpapaliwanag: "Sa panlabas na
anyo, ang Lord ng Clear Breeze City ay inilalarawan ang kaniyang sarili bilang isang mabuting
tao. Ngunit kung tunay na nagmamalasakit siya sa mga takas, bakit niya hahayaan na tumira
ang mga takas sa isang maruming lugar? Nagpunta siya dito ngayon kasama ang kaniyang mga
kawal at sinasabi na upang hulihin ang mga sanggano ngunit ito ang Clear Breeze City tama!?
Siya ang Lord ng Clear Breeze City! Napakaimpossible na tingin niya sa mga nangyari ay
kakaiba sa puntong ito lamang. Ang tanging bagay na mahalaga sa kaniya ay malaman kung
sino ang taong pumaslang sa mga sanggano na iyon, at pinapakita lamang nito na mayroong
hindi tama!"
"Ang mga tao dito ay nagiging isip-bata at malamang ay sinabi na nila sa kaniya na si Young
Master Jun ang pumaslang sa mga lalaking iyon. Napilitan si Young Master Jun na lumusob
upang iligtas ako pati ang aking anak at siya ay malaking tagapagtaguyod para aming dalawa.
Nagmamakaawa ako sa munting binibini na dalhin ang mga salitang ito kay Young Master
Jun!" Pagkatapos sabihin iyon, lumuhod ang babae at sa isang malakas na kalabog ay itinama
niya ang ulo sa sahig, hind na nagpumilit na pumasok at niyakag na ang anak paalis.
Nakaalis na ang mag-ina ngunit si Ye Jie ay nanatili pa ring nakatayo doon, gulong-gulo ang
isip.
Kung alam lamang ng babae na may malaking problema si Ye Jie sa paghahayag ng kaniyang
sarili sa salita ay siguradong hindi nito hihilingin kay Ye Jie na ihatid ang mga sinabi kay Jun Wu
Xie.
"Siya iyon…" Isang banayad na boses ang biglang narinig mula sa hagdan at naguguluhan na
napatingala si Ye Jie, at nakita niya si Jun Wu Xie na nakatayo sa itaas ng hagdan kasama si Jun
Wu Yao na nasa likod nito.
"Arh!" Ibinuka ni Ye Jie ang kaniyang bibig, nais sabihin ang mga sinabi ng babae kay Jun Wu
Xie. Sa puso niya ay alam niya kung ano ang nais niyang sabihin ngunit pagdating ng mga
salitang iyon sa kaniyang bibig, ay hindi niya alam kung saan magsisimula.
"Narinig ko ang lahat." Saad ni Jun Wu Xie, nakita niya kung gaano kahirap iyon kay Ye Jie.
Blankong napatingin si Ye Jie sa kaniya ng ilang sandali bago siya ngumiti ng maliwanag sa
kaniya.
"Ang pares ng mag-inang iyon, kung tama ang aking pagkakatanda, sila ang iniligtas mo
kanina?" Saad ni Jun Wu Yao na may bahagyang ngiti, kampanteng nakasandig ang braso sa
barandilya ng hagdan.
Bahagyang tumango si Jun Wu Xie.
"Kahit paano ang isang iyon ay matalino, marunong gumanti." Nasisiyahan si Jun Wu Yao sa
reaksyon ng babae.
Hindi sumagot si Jun Wu Xie. Hindi siya umaasa ng kahit anong kapalit mula sa mga taong iyon
at ang rekasyon ng babae ay talagang nagpagulat sa kaniya. Alam niya na ang Lord ng Clear
Breeze City ay may suot na paimbabaw na maskara ng kabutihan ngunit ang mga takas ay
walang alam tungkol sa bagay na iyon. Ngunit ang babaeng iyon ay nagawang mapansin ang
mapanlinlang na ugali mula sa lahat ng pinong detalye at agad na nagpunta dito upang sabihin
iyon sa kaniya. Bukod sa iba pang mga bagay, kahit paano ang isip nitong iyon ay mas malinaw
kumpara sa iba, at alam nitong gumanti sa mga kabutihan na ipinakita dito.
"Ang mga daga ay nagiging balisa at naglalabasan na tila alon. Kaya, may naisip na ba si Little
Xie kung paano sila haharapin?" nakangiting saad ni Jun Wu Yao.
Walang ekspresyon na sumagot si Jun Wu Xie: "Nais kong hulihin ang ahas sa ulo nito. Hindi
ang mga taong ito ang aking puntirya." Kahit na ang mga sanggano o ang City Lord, o maging si
Luo Xi ay wala ang kaniyang pansin. Ginagawa niya lamang ang lahat ng ito upang pilitin na
lumabas ang pinakautak sa likod nito.
At ayos sa kasalukuyang sitwasyon, tila ang mga ito'y balisa na. Sa loob lamang ng isang araw
ngayon, ay ilang ulit silang nagpunta dito upang hanapin ang kamatayan at ang mga ganoong
reaksiyon ang nagbigay ng kasiyahan kay Jun Wu Xie.
"Ako'y hahayo upang magmasid muna." Saad ni Jun Wu Xie habang tinatapik ang likod nng
kamay ni Jun Wu Yao, pagpapahiwatig na hindi nito kailangan ipakita ang sarili bago siya
lumabas ng bahay upang magtungo sa City Lord na pinalilibutan ng mga takas.
-- 收到的禮物 
-- 推薦票
榜單 
-- 推薦票