章節 1341: Ang Kayaman ng Dark Emperor (3)
編輯: LiberReverieGroup
Habang dumadami ang kaniyang nakikita ay mas tumindi ang pag-uusisa ni Jun Wu Xie kung
gaanong makapangyarihan ang nasirang Dark Emperor. Lahat ng nakaukit sa mga mural ay
pinapakita ang kamangha-mangha ang tagumpay at kadakila ang mga ginawa ng Dark
Emperor at hindi kayang tumabasan ng sinuman sa Middle Realm. Sa mga mural na naroon,
mayroong isa na nag-iwan ng malalim na marka kay Jun Wu Xie. Ang lalaking nakasuot ng
maskara ay nakaupo na diretso ang likod sa isang mataas na upuan at sa kaniyang harapan ay
may dalawamput limang lalaki na nakaluhod.
Ang ayos nila ay ayon sa herarkiya ng mga ranggo.
Sa unahan ay may apat na lalaki, sa likod ay mayroong siyam, at sa ikatlong hanay ay may
nakaluhod na labingdalawa.
Kung hindi nagkakamali si Jun Wu Xie, iyon marahil ang dalawampu't limang lalaki na
nakatayo sa tuktok ng piramide ng Middle Realm.
Ang Four Sides, Nine Temples at and Twelve Palaces.
Bago nagpakita ang Dark Emperor, ang mga lalaking iyon ang namayagpag sa isang parte ng
Middle Realm ngunit nang bumaba ang Dark Emperor kasama ang Dark Regime, lahat ng mga
nangungunang lalaki ng kapangyarihan ay walang nagawa kundi iwan ang kanilang posisyon sa
itaas at isuko ang mga sarili sa paanan ng Dark Emperor.
Ganoon kalakas ang Dark Emperor.
Ang nag-iisang pinuno na tinanggap ng dalawampu't limang lalaki, kung saan sa mata nang
nag-iisang lalaking iyon, ang lahat ay susunod sa kaniya ng walang pagtutol.
Nakipagpalitan ng suntok si Jun Wu Xie sa mga tao mula sa Twelve Palaces noon at alam niya
ang kapangyarihan ng Twelve Palaces ay hindi pagmamalabis at lahat ng mga taong
nakasalamuha niya noon ay may maliit na kapangyarihan lamang sa Twelve Palaces. Bukod sa
grey robed man, inaasahan niya na ang kapangyarihan ng iba pa sa Twelve Palaces ay mas
mababa sa karaniwan. Kahit na ganoon man ang kaso, sa sagupaang iyon, ay lumaban pa rin
sila sa isang napakahirap at matinding labanan.
Ang ganoong uri ng kapangyarihan, ay isang bagay na hindi kakayanin ni Jun Wu Xie at mga
kasama niya sa ngayon.
One Region, Four Sides, Nine Temples, Twelve Palaces.
Ang lakas ng Twelve Palaces ay nasa pinakaibaba ng iba't ibang kapangyarihan ngunit sila ang
pinakamarami sa bilang at sa pangkalahatan ay kinakaya lamang ang mga nasa labas, kaya
napanatili nila ang pangalan na Twelve Palaces. Kung magkataon na kahit isa lamang sa mga
palaces, hindi na kailangan pa banggitin ang nag-iisang rehiyon, kahit isang kapangyarihan
lamang mula sa Four Sides o kaya Nine Temples ay magagawa na silang durugin hanggang
kamatayan!
Mula sa mga dahilan na ito, malinaw na ang lakas ng Dark Regions ay talagang nakakatakot
tulad ng mga sabi-sabi.
Dahil kung hindi, matapos ang ilang taon na pumanaw ang Dark Emperor, bakit ang iba't ibang
kapangyarihan sa Middle Realm ay nantiling takot sa Dark Regions at hindi nangahas na
maihayag ang kanilang mga gawain tungkol sa libingan ng Dark Emperor?
Mula sa simula, ay nakakuha na sila ng bahagi ng mapa ngunit hindi sila naglakas-loob na
ipagpatuloy pa iyon at sa halip ay tahimik na ipinadala iyon sa Lower Realm upang ipagawa
iyon sa mga tao mula sa Lower Realm sapagkat ang kanilang takot sa Dark Regions ay maaring
malalim na nakatanim at wala silang lakas ng loob na itago ang mga mapa sa kanilang pag-
aari.
"Mga mapang-api na sinasamantala ang mga mahihina, nalalapit na ang parusa." Hindi
mapigilan ni Jun Wu Xie na ngumisi. Naging malupit at walang awa ang Twelve Palaces ngunit
sila'y nasupil pa rin ng Dark Regions.
Ang mundo ay tumatakbo sa parehong patakaran para sa lahat. Kung hindi magagawa ng isa
na maging malakas at makaakyat sa mas mataas na posisyon, sa huli ay lalamunin sila ng iba.
Ang isang bangka na naglalakbay salungat sa agos ay hindi uusad at sa halip ay uurong.
Patuloy sa paglalakad si Jun Wu Xie nang mapansin niya na ang liwanag ng apoy sa di-kalayuan
ay bahagyang natinag. May katagalan ang aandap-andap na liwanag ng apoy at ang sinag na
nagliliwanag sa buong daan ay naging magulo.
Naging alisto ang pakiramdam ni Jun Wu Xie at bawat selula sa kaniyang katawan ay umigting
dahil sa matinding kaba.
Kung susumahin ang panahon na naitayo ang libingan ng Dark Emperor at naisara sa bawat
sulok nito, dapat ay walang sinuman ang nagbabantay sa lugar. Lalo na walang mapagkukunan
ng pagkain at inumin, ang mamuhay doon ng ilang daang taon na halos umabot sa isang
milenyo ay talagang imposible. Ngunit may isang bagay na nagdulot ng agam-agam kay Jun
Wu Xie tungkol doon, na naging sanhi upang hindi siya mangahas na masiguro iyon.
Iyon ay ang nangyari kay Wen Yu…
Hindi sinasadya na nakapasok si Wen Yu sa libingan ng Dark Emperor, ngunit hindi niya alam
kung paano siya nakarating sa ituktok ng Heaven's End Cliff!
-- 收到的禮物 
-- 推薦票
榜單 
-- 推薦票