章節 1263: Ang Pagbabalik (2)
編輯: LiberReverieGroup
Ang buwan ay tila isang mabagsik na karit ang hugis, at sa ilalim ng kalangitan ng gabi, ang
pulang dugo ay malayang dumaloy. Sa makapal na kagubatan na tumitibok pagkatapos ng
isang pagpaslang, maging ang hangin ay tila nabahiran ng malapot na dugo.
Sa ilalim ng sinag ng buwan, isang matangkad at balingkinitang anyo ang nakatayo sa luntiang
damuhan na basang-basa ng dugo, ang lilang mga mata ay nagniningning sa sobrang tuwa na
dala ng matinding pagpaslang.
"Lord Jue!" May nakita si Ye Mei sa paghahalungkat nito sa tambak ng mga bangkay na nasa
tabi at dinala iyon sa kamay ni Jun Wu Yao.
Tinapunan ito ng mabilis na tingin ni Jun Wu Yao at pagkatapos ay sinabi: "Itago mong
mabuti."
"Masusunod!" Kinuha ni Ye Mei ang bagay na iyon na may mantsa ng dugo at itinagong
mabuti sa loob ng kaniyang kasuotan at agad sinabi: "Nakatanggap ako ng balita na pinadala
ni Ye Sha at sinasabing ang Young Miss ay nagawang burahin ang Condor Country at hinati ang
lupain ng Condor Country sa pagitan ng BUckwheat Kingdom at Qi Kingdom. Sa ilalim ng utos
ng Young Miss, si Ye Sha ay may tinutugis na lalaki mula sa All Dragons Palace at ang Young
Miss ay nakaalis na at pabalik na sa Qi Kingdom."
Ang isa sa kilay ni Jun Wu Yao ay napataas at ang sulok ng labi niya ay napangisi.
"Ang kilos ng munting bata ay nagiging suwabe. Isang bansa lamang iyon ng mga insekto, hindi
mahalaga kung mawasak iyon o hindi."
"Kung gayon Lord Jue, babalik na rin ba tay?" Tanong ni Ye Mei.
Kinawit ni Jun Wu Yao ang kaniyang daliri at lahat ng dugo na nasa lupa ay tila nahatak ng
isang hindi makitang puwersa, nagtipon at umikot sa daliri ni Jun Wu Yao, at kalaunan ay
nagsama-sama at naging isang butil ng dugo.
Inilagay ni Jun Wu Yao ang buti sa kaniyang bibig, at inangat ang kaniyang mata upang masdan
ang buwan na nasa dakilang kalangitan ng gabi.
"Kinakailangan na natin bumalik."
"May isang bagay pa…" Pag-aalangan ni Ye Mei. Tungkol sa bagay na iyon, hindi siya nang-
ahas na sabihin ang tungkol doon.
"Magsalita ka." Utos ni Jun Wu Yao.
"Nadiskubre ni Ye Sha ang presensiya ng Scarlet Blood at Poison Men sa Condor Country… Ang
All Dragons Palace ay tila nais gamitin ang dalawang paraan na iyon upang magkaroon ng
kontrol sa kapangyarihan sa Lower Realm."
Katatapos pa lamang sabihin iyon ni Ye Mei nang maramdaman niya ang hangin sa paligid ay
tila bumaba ng ilang grado!
Maging ang tunog ng hangin ay tila naglaho.
Naningkit ang mata ni Jun Wu Yao, ang lila nitong mata ay napuno ng nakakahindik na kislap
ng pagpaslang.
"Ang basura mula sa Middle Realm ay nang-aahas pa rin na gamitin ang Scarlet Blood?"
Huminga ng malalim si Ye Mei upang tawagin ang kapangyarihan niya at maiwasan na
masugatan siya sa malakas na aura ni Jun Wu Yao.
"Ang Twelve Palaces ay kinikimkim pa rin ang masamang intensyon nila nang napakatagal na
panahon. Sa mga nagdaang taon, nang ipahinto ni Lord Jue ang Scarlet Blood, silang lahat ay
sumunod at hindi naglakas-loob na kumilos nang padalus-dalos ngunit ang hindi pagsang-ayon
ay tila nabubuo muli sa kanilang mga ulo. Lord Jue… kailangan ba natin ipadala ang
impormasyong ito sa Dark Regions?"
Naningkit ang mata ni Jun Wu Yao habang nag-iisip at itinaas ng bahagya ang kamay upang
yugyugin ito ng kaunti.
"Hindi pa ito ang tamang panahon."
Nangalit ang ngipin ni Ye Mei at nagpatuloy: "Ang Scarlet Blood ay orihinal na ginawa ng mga
hangal ng Twelve Palaces na ibinatay sa Scarlet Darkness ni Lord Jue. Ang mismong pag-iral ng
matabang at mababang kopya na iyon ay isang insulto kay Lord Jun at kung walang balak si
Lord Jue na isiwalat ang balita sa Dark Regime, kung gayon ako'y nagsusumamo kay Lord Jue
na maglabas ng kautusan sa inyong lingkod upang harapin ang mga basurang iyon mula sa
Twelve Palaces."
[Para magdusa sa isang kahihiyan ang Lord, iyon ay dahil sa kawalan ng kakayahan ng mga
kampon!]
[Maaari silang mamatay, ngunit hindi nila dapat payagan ang sinuman na magdulot kay Jun
Wu Yao maski kaunting kahihiyan.]
Tumingin si Jun Wu Yao sa mukha ni Ye Mei na puno ng matinding galit, at bigla itong
humalakhak ng malakas.
"Sa sandaling ito, ay wala talaga ako sa kagustuhan na paglaruan ang mga insekto. Kailangan
muna nating magbalik sa Qi Kingdom, at sa halip ay ihandog ang malaking regalo na ito kay
Little Xie. Hindi ba't nais niyang mahanap ang libingan ng Dark Emperor? Ngayon ang tamang
panahon."
Pinigilan ni Ye Mei ang kaniyang galit at nayamot dahil sa pagkabigo, ngunit sa huli ay
tumango siya at sinabi: "Masusunod, aking Lord!"
Ang gabi ay tahimik at walang ingay. Ang mga boses nila Jun Wu Yao at Ye Mei ay naglaho sa
katahimikan ng makapal na kagubatan, iniwan sa lupa ang napakaraming bangkay. Isang
bugso ng simoy ng gabi ang dumaan, at ang hanay ng natuyong mga bangkay kung saan ang
kahuli-hulihang patak ng dugo ay hinugot mula doon ay agad naging abo sa ilalim ng
malamyos na ihip ng hangin, at kumalat sa ilalim ng damuhan.
-- 收到的禮物 
-- 推薦票
榜單 
-- 推薦票