章節 1185: Makitang Muli ang Soul Calming Jade (3)
編輯: LiberReverieGroup
Ang kalahating iyon ng Soul Jade ay maingat na itinago ni Jun Qing sa isang malambot na
supot at laging malapit sa kaniyang katawan. Ang bagay na iyon ay lubos na nakakaapekto
kung ang kaniyang nakatatandang kapatid, ang ama ni Jun Wu Xie, ay magagawang mabuhay
kaya hindi siya naglakas loob na maging pabaya.
Tinitigan ni Jun Wu Xie ang Soul Calming Jade. Hindi siya nagmamadali na damputin iyon at
inangat lamang ang kaniyang ulo upang tumingin kay Jun Qing.
"Uncle."
"Hmm?"
"Maya-maya… Kung magsimula akong magpakita ng kakaibang sintomas, ay hindi ka dapat
mataranta. Magiging ayos lamang ako." saad ni Jun Wu Xie, hindi sigurado kung
maaapektuhan pa rin siya ng anumang epekto ng Soul Calming Jade, hindi niya nais na mag-
alala si Jun Qing sa anumang magiging reaksyon niya sa Soul Calming Jade.
Natigilan si Jun Qing nang marinig ang mga salitang iyon.
"Magkakaroon ba ng masamang epekto sa iyo ang Soul Jade?"
Umiling si Jun Wu Xie.
"Hindi na iyon mahalaga."
Napakagaan lamang na tinuran iyon ni Jun Wu Xie, ngunit si Jun Qing ay nag-aalala pa rin, at
iniisip niya na ilayo na ang Soul Jade. Mabuti na lamang, at ilang ulit na siniguro ni Jun Wu Xie
sa kaniya na hindi siya gagawa ng kahit ano na masasaktan ang sarili at dahil doon ay nagbago
ang isip ni Jun Qing.
Huminga nang malalim si Jun Wu Xie bago dahan-dahan na inunat ang kamay upang ilagay sa
ibabaw ng Soul Calming Jade.
Ang pakiramdam kung saan ang kaniyang spirit ay nangangatal ay hindi nangyari!
Sa ilalim ng kaniyang palad, ang tanging naramdaman niya ay ang malamig na ibabaw ng Soul
Calming Jade.
[Walang reaksyon!]
Bahagyang napatalon ang puso ni Jun Wu Xie. Ibig ba nitong sabihin ay ang ginting binhi na
nasa loob ng kaniyang katawan ay hindi lamang inayos ang napinsala niyang soul at nagawa
rin nito na perpektong pagalingin ang kaniyang soul sa katawang ito?
Ang nadiskubreng iyon ay nagdulot ng bahid ng kagalakan sa madalas ay malamig at malayong
puso ni Jun Wu Xie.
Kapag ang soul ay hindi matatag, ay maraming problema ang maaaring lumitaw at ngayon na
nalutas na iyon, ay nakahinga na nang maluwag si Jun Wu Xie.
Ang kaba sa mata ni Jun wu Xie ay naglaho ngunit ang ekspresyon ni Jun Qing na nakaupo sa
isang tabi ay mukha pa ring nag-aalala dahil sa matinding takot na may mangyari kay Jun Wu
Xie.
"Ano?" maingat na tanong ni Jun Qing.
Itinaas ni Jun Wu Xie ang kaniyang mata upang tingnan si Jun Qing at marahang sinabi:
"Wala…"
Subalit, nang sabihin iyon ni Jun Wu Xie isang kakaibang pakiramdam ang biglang kumalat
nang mabilis sa loob ng kaniyang katawan!
Ang kakaibang pakiramdam na iyon ay naglakabay mula sa pisikal na katawan niya at lumawak
upang maabot ang bawat isang ugat, tila may humahalo sa kaniyang soul. Ang uri ng
pakiramdam kung saan malalaking alon ang sumisipa sa soul ng isnag tao kaya nakuyom ni Jun
Wu Xie ang kaniyang kamao at ang mukha niya ay putlang-putla!
Nang makita ang mabilis na pagbabago sa kulay ng balat ni Jun Wu Xie, ay agad na napatayo
mula sa kinauupuan si Jun Qing. Nababahalang napatingin siya kay Jun Wu Xie ngunit dahil sa
maagang babala ni Jun Wu Xie, ay hindi nangahas si Jun Qing na walang ingat na hawakan ang
kaniyang pamangkin, sa halip ay nag-aalalang tumingin lamang siya sa mukha ni Jun Wu Xie na
ngayon ay paputi na nang paputi.
Ang kakaibang pakiramdam na iyon ay lalong lumalakas, at pakiramdam ni Jun Wu Xie ay
ginugutay-gutay ang kaniyang soul ng isang malakas na puwersa, ang pakiramdam ay ibang-
iba kaysa noong una niyang mahawakan ang Soul Calming Jade!
Malamig na pawis ang butil-butil na tumagaktak sa kaniyang noo, binasa ang sahig sa paligid
ng kaniyang paa. Mahigpit na nagtagis ang kaniyang bagang, pinaglabanan ang kakaibang
pakiramdam na hindi pa niya naramdaman noon.
Hindi iyon masakit, ngunit iyon ay nagdulot ng hindi komportableng pakiramdam, tulad ng
anumang munting alon na tumatakbo sa soul na isang tao, ay magdadala ng napakalaking
rekasyon!
Ano ang tunay na nangyayari?
Maiging si Jun Wu Xie ay hindi magawang ipaliwanag nang maayos ang nangyayari. Sa ilalim
ng mga alon na dumadaluyong sa kaniyang soul, ay bigla siyang nakaramdam ng pagkahilo at
panghihina, walang tigil sa pag-ikot ang kaniyang tiyan! Nais niyang igalaw ang kaniyang
kamay palayo na nakatakip sa ibabaw ng Soul Calming Jade ngunit wala na siyang sapat na
lakas!
-- 收到的禮物 
-- 推薦票
榜單 
-- 推薦票