章節 991: Kahit Bago Pa Man Kumalma Ang Tubig (2)
編輯: LiberReverieGroup
Si Xiong Ba na okupado sa kaniyang mga resposibilidad ay nakaalis na nang mabalik si Jun Wu
Xie sa Fiery Blaze Clan Hall. Bilang Clan Chief ng Fiery Blaze Clan Hall ay hindi niya magawa na
maging hayahay tulad ng ibang mga tao. Nang mga oras na iyon, tanging si Qing Yu lamang
ang nagawang samahan si Jun Wu Xie upang ilibot sa buong Thousand Beast City ngunit
madaling nadiskubre ni Qing Yu na bukod sa Spirit Beast Arena tila wala ng ibang lugar na
magbibigay ng interes kay Jun Xie.
Sa kanilang pagbabalik ay madali ng nagtungo si Jun Xie sa kaniyan silid at hindi na ito inabala
pa ni Qing Yu.
"Deputy Chief, sino ba talaga iyong Young Master Jun?" ilan sa mga kapatid mula sa Fiery
Blaze Clan ang nagtanong, umusbong ang usisa tungkol kay Jun Xie na namalagi na ng
dalawang araw doon.
Palagi nilang nakikita na sinasamahan ito ni Qing Yu at bagama't si Qing Yu ay Deputy Chief
lamang, masasabi pa rin na marami pa rin siyang responsibilidad. Ngunit sa pagkakataon na
iyon ay sinasamahan lamang niya ang bata at isinasantabi ang iba niyang dapat gawin kaya
iyon ay nakatawag pansin sa ibang tao.
Ang bata ay tila karaniwan lamang at bukod doon, ang personalidad nito ay sadyang malamig,
hindi nila naisip na may natatangi tungkol kay Jun Xie na kailangan pa na paglaanan ito ni Qing
Yu ng higit na atensiyon.
Sabi ni Qing yu sa kanila: "Si Young Master Jun ang nagligtas sa Young Miss kaya kayong lahat
ay dapat na magbigay galang sa kaniya sa hinaharap. Dahil kung hindi, pagbalik ng Chief ay
babalatan niya kayong lahat ng buhay."
Nang marinig iyong mga clan members ay ikinagulat nila iyon at nainitindihan nilang lahat
kung ano ang nangyayari.
Kunsabagay, ang tungkol sa pinsala ni Qu Ling Yue sa Fire Country ay hindi lihim mula sa mga
tao ng Thousand Beast City at nang ipaliwanag sa kanila ni Qing Yu iyon ay naintindihan agad
nila ito.
"Dahil siya ang nagligtas sa Young Miss natural lamang na pakikitunguhan namin siya ng
maayos. Makakasiguro ka sa bagay na iyan Deputy Chief."
Nasiyahan na ngumiti si Qing Yu sa kanila.
Subalit, bago pa man ipanatag ni Qing Yu ang kaniyang sarili, isang malakas na sigawan ang
biglang narinig sa labas ng Fiery Blaze Clan Hall at maya-maya pa ay ilang miyembro ng Fiery
Blaze Clan Hall ang mabilis na nagtakbuhan sa loob.
"Deputy Chief! Isang masamang balita! Ang Deputy Chief ng Icy frost Clan, si Shagguan Yan ay
patungo dito at may kasamang grupo ng mga kalalakihan!"
"Ano ang dahilan ng pagpunta niya dito?" tumaas ang kilay ni Qing Yu. Matapos ibigay ng
Clan Chief ng Icy Frost Clan na si Lin Que ang katapatan sa kalaban, ang relasyon sa pagitan ng
Fiery Blaze Clan at Icy Frost Clan ay naging pilit na lamang at dahil sa mga personalidad ng
dalawang Clan Chief ay magkaibang-magkaiba tulad ng dalawang magkaibang dulo, ang
kanilang mga miyembro ay sumunod sa kaniya-kaniya nilang Chiefs at ang mga miyembro ng
dalawang clan ay hindi na nagkikita ng mata sa mata.
Sa mga saandaling iyon, ang Deputy Chief ng Icy Frost Clan ay biglang sumugod at naisip ni
Qing Yu na wala iyong magandang dulot.
"Sabi nila ay narito sila at hinahanap si Young Master Jun." saad ng isa nilang miyembro.
Ikinagulat iyon ni Qing Yu, "Hinahanap nila si Young Master Jun dahil?"
Katatapos pa lamang magsalita ni Qing Yu nang marinig ang mga argumento sa loob ng
bulwagan. Si Shangguan Yan na lagpas kuwarenta anyos na puwersahang pumasok sa loob
kasama ang grupo ng mga kalalakihan mula sa Icy Frost Clan at ngayon ay nakatayo sa
harapan ni Qing Yu.
Nagdilim ang ekspresyon ni Qing Yu.
"Shangguan Yan! Ano ang ibig sabihin nito!? Kahit na ikaw ang Deputy Chief ng Icy Frost Clan
ay huwag mong kalimutan na ito ang Clan Hall ng Fiery Blaze Clan! Hindi ito ang lugar na
maaari kang magpunta at umalis kung kailan mo naisin!"
Pinandilatan ni Shangguan Yan si Qing Yu, bakas sa buong mukha nito ang poot.
"Qing Yu, mabuti at nandito ka, dahil ang dahilan nang pagparito ay mayroon ding koneksyon
sa iyo. Nasaan ang bata na mula sa ibang bayan na dinala mo dito noon? Dali at ibigay mo siya
sa amin ngayon!"
"Si Young Master Jun ay bisita ng aming Fiery Blaze Clan. Hindi namin siya ibibigay dahil
lamang sinabi mo! Shangguan Yan tila minamaliit mo yata ang aming Fiery Blaze Clan!?"
singdilim ng kulog kulog ang mukha ni Qing Yu. Ang katotohanan na sumugod doon si
Shangguan Yan kasama ang isang napakalaking grupo ng mga kalalakihan ay masasabing hindi
lamang walang kwenta ang ipinunta nito doon. At matapos niyang banggitin si Jun Xie na
dahilan kung bakit siya nagpunta doon, bakit pahihintulutan ni Qing Yu ito na mangyari ang
nais niya?
"Oh? Kayo ang tunay na nakakaalam kung anong uri ng lugar ang Fiery Blaze Clan Hall! Ang
inyong Clan Chief ay biglang nagdala dito ng munting bata na hindi kilala ang pinagmulan
upang gumawa ng gulo at ang bata ay nagawa pa magpunta sa Spirit Beast Arena at binali ang
mga patakaran upang mapanalunan ang pinakamataas na ranggo! Bilang isa sa apat na clan ng
Thousand Beast City, kung intensyon ng Fiery Blaze Clan na pagtakpan siya, kaming Icy Frost
Clan ay hindi pahihintulutan ang salot na magpatuloy na maghatid ng panganib sa atin!" saad
ni Shangguan Yan na may mapanlait na ngisi.
-- 收到的禮物 
-- 推薦票
榜單 
-- 推薦票