章節 989: Ang Humamon (5)
編輯: LiberReverieGroup
Sa kabila ng palahaw na iyon, ang Six Armed Black Ape ay tila tinamaan ng isang malkas na
pagsabog, pinihit nito ang kaniyang ulo at walang lingon-likod na tumayo at nagmamadaling
tumakbo palayo, ang bilis na ipinakita nito sa pagtakbo ay mas mabilis pa kumpara sa pag-
atake nito kanina!
Wari ni Shangguan na mayroong mali at mabilis na nagtungo sa gilid ng battle stage at galit na
sumigaw sa Six Armed Black Ape: "Anong ginagawa mo!? Bumalik ka doon! Kailangan mo…"
Subalit bago pa man matapos ni Shangguan Miao ang kaniyang sinasabi ay bigla niyang nakita
ang Six Armed Black Ape na nagmamadaling tumalon mula sa battle platform papunta sa
kaniya!
Huminto sa pagtibok ang puso ni Shangguan Miao! Wala na siyang oras para umiwas kaya ang
Six Armed Black Ape ay dumagan sa ibabaw niya!
Ang napakalaking katawan ng Six Armed Black Ape ay ang pinakamabigat sa lahat ng
mababang uri ng Spirit Beast at dahil sa matinding pag-aalaga ni Shanggun Miao dito, ang
lakas at kapangyarihan nito ay umusbong sa nakakatakot na rurok. Tinamaan ng buong lakas
ng kaniyang Six Armed Black Ape, nagdilim ang buong paligid ni Shanggun Miao at ng mga
sandaling ang lakas ng pagbagsak niya sa lupa ay narinig niya nang malinaw ang malutong na
tunog ng butong nabali!
"Argh!!!"
Ang takot na takot na Six Armed Black Ape ay nanginginig na nakahiga sa ibabaw ni Shanggun
Miao. Samantala, habang siya ay nakabaon sa ilalim ng mabigat na Spirit Beast, ang mukha ni
Shanggun Miao ay namutla!
Ang paglusob mula sa Six Armed Black Ape ay bumali sa liang buto niya at ang tagos sa pusong
sakit ay naglabas ng malamig na pawis habang nanatili siyang nakabaon, hindi nagtangka na
gumalaw miski kaunti.
Ang biglaan at hindi inaasahang mga pangyayari ay nagdulot ng katahimikan sa mga
manonood. Nanlaki sa matinding gulat ang kanilang mga mata dahil muli, ang eksenang nakita
nila kahapon ay muli na namang naganap!
Ang matayog at mabangis na Six Armed Black Ape ay natalo tulad ng lahat ng ibang Spirit
Beast kahapon, umatras dahil sa matinding takot mula sa isang unga ni Lord Meh Meh…
At iyon ay nagpatigagal sa lahat ng nasa punong-puno na arena.
Ang Six Armed Black Ape ang pinakamalakas sa lahat ng mamabang uri ng Spirit Beasts, kaya
paanong nangyari na bigla ay nawalan ito ng silbi?
Nakita ng lahat na kani-kanina lamang, ang Six Armed Black Ape ay napakarangal at puno ng
lakas, ngunit ngayon ay mahigpit na sinunggaban nito ang sarili sa ibabaw ng katawan ni
Shanggun Miao na nasa lupa, hindi alintana ang iyak at palahaw sa sakit na nagmumula sa
bibig ni Shanggun Miao, nawala sa sarili dahil sa takot at ayaw gumalaw sa kaniyang puwesto.
Halos bumagsak sa lupa ang panga ni Qing Yu. Nang mga sandaling iyon ay napagtanto niya na
wala naman pala siyang dapat ipangamba kay Jun Xie.
Walang duda kung bakit walang pangamba si Jun Xie sa kaniyang makakalaban. Marahil ay
inaasahan na niya na ito ang kahahantungan!
Kalmadong naglakad si Jun Xie sa gilid ng battle platform ng arena at masayang naglakad
palapit sa kaniya si Lord Meh Meh, ang munting buntot nito ay masayang-masaya na
kumakawag habang pilit na itinaas ang kaniyang ulo na parte ng kaniyang mabalahibong bola
na katawan, bakas sa mukha nito na humihingi ito ng papuri.
Itinaas ni Jun Wu Xie ang kaniyang mata at tumingin sa tulirong tagahatol.
"Maaari mo na sabihin ngayon ang resulta."
Ang lalaki ay biglang natauhan dahil sa paalala ni Jun Xie, at ang mata ng lalaki na nakatingin
kay Lord Meh Meh ay biglang napuno ng takot.
Sa mga panalo nito kahapon ay kaya pa niyang hanapan ng dahilan upang bigyang-katwiran
ang kaniyang sarili. Ngunit sa araw na ito, na kahit ang Six Armed Black Ape na namayagpag sa
lahat ng mababang uri ng Spirit Beast ay natakot ng munting tupa, hindi na niya mawari kung
anong uri ng Spirit Beast nga ba ang tupa.
"Ang nanalo sa laban na ito… ay si Jun Xie…" malakas na anunsyo ng lalaki.
Walang anumang tunog ang narinig sa buong arena. Wala ni isa man sa kanila ang nakabawi
mula sa matinding gulat.
Dinala ni Jun Wu XIe si Lord Meh Meh doon at binura ang lahat ng uri ng mga inaasahan at
prinsipyo na nakagisnan na ng mga taong nanonood sa mga Spirit Beasts.
Kinarga ni Jun Wu Xie si Lord Meh Meh pababa sa entablado. Matapos matalo ang Six Armed
Black Ape, si Lord Meh Meh ay maluwalhating umakyat sa unang ranggo ng Spirit Beast Arena!
At dahil sa nakamtan na niya ang dahilan ng pagtungo niya doon, hindi na ninais ni Jun Wu Xie
na magtagal pa ng ilang sandali pa doon. Kinuha niya si Lord Meh Meh at mabilis na umalis na
sa Spirit Beast Arena.
-- 收到的禮物 
-- 推薦票
榜單 
-- 推薦票