章節 949: Ang Ikalimang Mapa (5)
編輯: LiberReverieGroup
"Nang makita namin na si Young Master Jun ay matindi ang karunungan, at malaki ang interes
sa mapa, ako, si Xiong Ba, ay taimtim na nakikiusap sa Young Master Jun na tulungan kaming
maresolba ang krisis ng Thousand Beast City. Pagtapos na ang lahat, sisiguraduhin ng
Thousand Beast City na bukas-palad naming ihahandog ang mapa sa iyo!" biglang tumayo si
Xiong Ba matapos sabihin iyon at pormal na yumuko sa harapan ni Jun Xie, ang kaniyang likod
ay nakabaluktot sa anggulo na ninety-degree.
Naningkit ang mga mat ani Jun Wu Xie. Ikinagulat niya ang mga salita ni Xiong Ba dahil hindi
niya inaakala na ang Thousand Beast City ay magkakaroon din ng piraso ng mapa!
"Sigurado ka ba sa sinasabi mo?" tanong ni Jun Wu Xie.
"Iyon ang totoo! Kung mayroon mang hindi totoo sa aking sinabi, tamaan sana ako ng kidlat!"
determinadong sumpa ni Xiong Ba sa Heavens. Kung hindi sa katotohanan na nasaksihan
mismo mi Qu Ling Yue ang kakayahan ni Jun Xie, at matinding paniniwala na siya ang taong
makapagbabago sa sitwasyon na kinakaharap ng Thousand Beast City, ay hindi mang-aahas si
Xiong Ba na ibunyag ang lihim na gawain ng Thousand Beast City.
Sa loob ng maraming taon, nakita ng mga tao ang tinatamasang kagitingan ng Thousand Beast
City at tanging ang mga miyembro sa loob ng Thousand Beast City ang tunay na nakakaalam na
halos sila ay masaid na.
Sa tuwing makikita niya ang Grand Chieftain na balisa at nahihirapan gabi-gabi, pakiramdam ni
Xiong Ba ay tila hinihiwa ang kaniyang puso ng patalim, hinihiling na sana maibahagi sa kaniya
ang bigat na dinadala ng Chieftain.
At ngayon, hangga't mayroong pag-asa silang nakikita, ay susubukan nila ang lahat!
Bumaba ang mat ani Jun Wu Xie habang pinag-iisipang maigi ang sinabi ni Xiong Ba.
Ang balita tungkol sa mapa ay bihira lamang at ang mga naunang apat na piraso ng mapa, si
Fei Yan ay nagsakripisyo ng dugo at luhabago niya mahanap ang dalawa, samantalang ang
natirang dalawa, ang isa doon ay hindi inaasahan na sinabi sa kanila ni Fan Zhou, at ang isa
naman ay nagkataon lamang na nakita nila ng di-sinasadya. Ayon sa sabi-sabi, bawat piraso ng
mapa ay mahirap hanapin, at ngayon si Xiong Ba ay lumapit sa kanila at inaalok ang ikalimang
mapa.
Subalit, ang sitwasyon na pumapalibot sa mapa ngayon ay iba na.
Ang mga taong pinagkatiwalaan noon ng mapa ay matinding iniingatan ang mga mapa. Ngunit
sa salita ni Xiong Ba, hindi mahirap para kay Jun Wu Xie na hulaan na ang ikalimang mapa ay
hindi nagdala nang saya sa mga tao ng Thousand Beast City, ang dulot nito ay takot,
pagkabalisa at kamatayan.
Kung mayroon silang pagpipilian, ang Grand Chieftain ng Thousand Beast City ay siguradong
hindi na hihilingin ang mapa na manatili pa sa siyudad dahil matindi na itong nabahiran ng
dugo. Ngunit ang Purple Spirit user na dating naninirahan sa Thousand Beast City ay tila isang
mabigat na kandado at kadena na mahigpit na gumagapos sa Grand Chieftain ng Thousand
Beast City, pinupuwersa siya at walang ibang magagawa kundi ang sumunod sa utos.
Ngunit sa lahat ng iyon, naramdaman ni Jun Wu Xie na patang may mali kaya itinaas niyang
muli ang tingin kay Xiong Ba upang magtanong: "Ang inyong Chieftain ay sumusunod lamang
sa utos ng taong iyon dahil natatakot siya sa kapangyarihan ng Purple Spirit tama?"
Bagama't ang Purple Spirit ay napakalakas, ang Thousand Beast City ay pag-aari ang Spirit
Tamer Bone Flute na may kakayahang kontrolin ang Spirit Beasts at kung talagang
nakipaglaban sila hanggang kamatayan gamit ang lahat ng mayroon sila, ang paggamit ng Spirit
Tamer Bone Flute ay siguradong magbibigay sa kalaban ng pagkatalo. Ngunit matapos ang
ilang taon, ang Thousand Beast City ay hindi nagpakita ng paglaban. Kung ang kanilang mga
mamamayan ay natatakot, ibig sabihin lamang na ang taong iyon ay may hawak laban sa
kanila.
Biglang hindi makapagsalita si Xiong Ba at mukhang siya ay naaasiwa sa mga sandaling iyon.
Kinagat ni Qu Ling Yue ang kaniyang ibabang labi habang nakatitig sa nalilitong ekspresyon ni
Xiong Ba. Inipon niya lahat ng lakas ng loob at sinabi kay Jun Xie: "Dahil sa kamay ng Great
Grandaunt ay hawak niya ang buhay ng maraming tao."
Tumaas ang kilay ni Jun Wu Xie.
"Binihag niya ang aking ina, at karamihan sa aking kamag-anak at pamilya sa Thousand Beast
City. Kung hindi namin gagawin ang kaniyang sinabi, papatayin niya ang mga taong iyon."
dumilim ang mata ni Qu Ling Yue. Hindi sa hindi naisip ng kaniyang ama na tumanggi, ngunit
ang kaniyang ina at ilang tiyuhin at tiyahin ay nasa kamay ng Great Grandaunt. Ang kaniyang
ama at mamamayan ng Thbousand Beast City ay walang magawa kungdi sumunod sa tawag
nito at kahit na hindi nila gusto ay kailangan nilang gawin.
-- 收到的禮物 
-- 推薦票
榜單 
-- 推薦票