章節 600: Bone Breaking Screech
編輯: LiberReverieGroup
Ang Weeping Sky ay hindi lang ginagamit sa pagpatay ng mga Dragon; isa rin itong tunay na Legendary Weapon.
Isa ito sa mga pinakamatalas sa lahat ng mga spear-type weapon.
Hindi pa ginamit ni Marvin ang Sodom's Blades dahil hindi pa niya nagagamay ang buong kapangyarihan nito.
Ang Snake Witch ay isang malakas na kalaban. Kung hindi niya sasamantalahin ang pag-atake nang palihim, maaari siyang maipit sa isang mahirap na sitwasyon dahil sa paglaban niya sa isang makapangyarihang caster.
At magiging mapanganib ito para kay Marvin.
Ang talas ng Weeping Sky ay gaya lang ng inaasahan ni Marvin, at direkta itong tumamasa kritikal na bahagi ng katawan ng ahas.
Nang tumama ang kanyang atake, nayanig ang tumpok ng mga bato.
Sumobra ang lakas na ginamit ni Marvin, nasaksak rin ni Marvin pati ang mga bato.
Kahit na nagpupumiglas ang ahas, hindi ito makatakas.
Pero mabilis ang naging reaksyon ng Snake Witch, inikot niya ang kanyang dila at inatake ang baywang ni Marvin.
Mabilis ang kanyang dila, at para sa isang ordinaryong tao, kasing bili ito ng kidlat.
Pero kitang-kita ni Marvin pati ang hati sa dila nito.
Ang mga dulo nito ay nanginginig, makikitang nasaktan ang Snake Witch sa kayang pag-atake.
Matapos tumama ito, hindi na umatake pang muli si Marvin, bagkus, binitawan niya ang Weeping Sky!
Tumalon siya palayo at iniwasan ang pag-atake ng Snake Witch.
"Sssss!"
Isang nakakatulig na pagsagitsit ang umalingawngaw sa paligid, kasabay ng pagsinag ng araw sa lagusan. Tahimik lang na katayo ang Poplar Tree sa isang tabi.
"Woosh!"
Sa isang iglap, isang pares ng mga curved dagger ang lumitaw sa mga kamay ni Marvin.
Malubhang pinsala ang natamo ng Witch sa unang pag-atake. Oras na para tapusin ang buhay nito gamit ang Sodom's Blades.
Kahit na hindi buong ibinigay ng Emeperor Spirit ang lakas ng dagger kay Marvin, ito pa rin ang makapangyarihan na Artifact na ginamit ni Sodom para pagharian ang Underdark.
Kahit ang pag-atake gamit lang ang bahagi nitong walang talim ay mas malakas pa kesa sa Azure Leaf. Hindi pa gaanong sanay si Marvin sa bigat ng Sodom's Blade kasabay ng paghahanda niyang umatake.
Pero biglang lumiit ang katawan ng ahas.
Kinumpol nito ang kanyang katawan na parang bola habang pinupulupot ang sarili sa Weeping Sky at hinuhugot ito mula sa sarili.
Sumimangot si Marvin. Nawala na siya sa tyempo matapos iwasan ang pag-amba ng Snake Witch.
Nanginig at naging kulay tsokolate ang katawan ng pulang ahas, ang balat nito ay mas tumatanda ang itsura.
'Ito ay… Molting?'
Gulat na tiningnan ni Marvin ang eksenang ito.
'Mayroong ganoong skill ang Snake Witch?'
Sa loob ng ilang sandali, natapos na ang Molting ng ahas, at nahati ang bahagi ng katawan nito na nasaksak ng Weeping Sky, kaya naman nagawa nitong makatakas!
Tila muling bagong panganak ang Snake Witch!
Mula sa pagiging isang pulang ahas, naging isa na itong halimaw na mayroong dalawang ulo.
Ang isa sa mga ulo ay mayroong mukha ng Human na bahagyang nabubulok!
"Mayroong kang awra ng Anzed sa katawan mo!"
"Ah! Pinadala ka ba ng mga puta na iyon para patayin ako?"
Kasabay ng pag-atungal ng Witch, nagbuga ang isa pang ulo nito ng kulay berdeng hamog.
Napuno ang lugar na iyon ng kulay berdeng lason.
Nagbago ang mukha ni Marvin.
Kahit na mataas ang kanyang resistance, isang Master od Poison ang Snake Witch. Ang kanyang lason ay tunay na nakakatakot.
Agad niyang inilabas ang Greyhawk Staff at sumagot habang nagcacast, "Kahit na mayroon akong kaunting koneksyon sa mga Anzed. Kinalulungkot ko pero wala kinalaman ang pagpunta ko dito sa kanila.
"Mayroon akong kailangan sa iyo, pero kahit na direkta ko sayong hiningi 'yon, siguradong tatanggihan mo lang ako agad."
"Kaya naman, naghanap ako ng paraan pero nagdeisisyon na lang ako na patayin ka."
Habang sinasabi ito ni Marvin, mayroong mas nakakasilaw na liwanag na lumabas mula dito.
[Major Magic Dispel]!
Ang Greayhawk Staff ay nasa level ng isang peak Legendary Weapon, at kaya nitong gawing isang Great Druid ang isang ordinaryong tao.
Nang tamaan ng isang makapangyarihang dispelling effect, agad na nawala ang nakakalason na hamog at wala itong naiwan na bakas!
"Isang Great Druid?"
"Kailan pa nawala sa katwiran ang mga miyembro ng Migratory Bird Council?"
Nakaramdam ng pagkagulat ang Snake Witch habang nakikita niyang numinipis na ang kanayang lason na inilabas.
Noong una ay inisip niya na ang umaatake sa kanya ay isa lang padalos-dalos na Assassin, pero ngayon ay walang kahirap-hirap na itong gumagamit ng Great Druid Nature spell.
Sa pagkakaalam niya, tangingang mga miyembro lang ng Migratory Bird Council sa Feinan ang nakakagawa nito.
Nakatamo siya ng malubhang pinsala, kaya sinusbukan niyang pahabain ang oras.
Syempre, marami na siyang nakuhang impormasyon mula sa bintaang iyon.
Sa isang tingin niya lang nakita na nitong gumagamit ng Disguise si Marvin. Mayroong ganitong skill si Marvin dahil sa kanyang Shapeshift Sorcerer bloodline. Madalas itong gumana para sa karamihan, pero sa harap ng isa powerhouse, hindi ito makakalusot.
…
Mahusay ang pag-arte ng Snake Witch. Sa kasamaang palad, simula pa lang ay wala nang balak si Marvin na masyadong magsalita.
Magmula noong sinubukan siyang patayin ng Divine Servant ng Dream God, kahit na hindi ito nagtagumpay, nakadama si Marvin ng galit na ngayon niya lang naramdaman at mas naramdaman niyang rin na hindi pa sapat ang kanyang lakas.
Sa pananaw ng Snake Witch, minalas siya na pinunterya siya ni Marvin nang walang dahilan.
Pero hindi ito nangangahulugan na hahayaan niya lang itong mabuhay!
Dahil nagdesisyon si Marvin na umatake, walang na siyang ibang pwedeng gawin kundi ang patayin ito.
Ang Snake Witch ay ang tipo ng tao na nagtatanim ng galit, at hindi makakatulog nang maayos si Marvin habang alam niyang mayroong galit sa kanya ang babaeng ito.
Kaya naman, nanatiling tahimik si Marvin tungkol sa mga tanong ng Snake Witch. Itinabi na niya ang Greayhawk Staff at bigla itong sinugod.
35 points, Post-Godly Dexterity!
Tila isang halimaw si Marvin sa maga mata ng Snake Witch. Ni hindi na ito nakakurap bago tumama sa katawan nito ang Sodom's Blades.
Sumigaw ito nang malakas.
Nang marinig niya ito, tila nakaramdam ng kakaibang pagyanig sa kanyang katawan si Marvin.
Narinig niyang nababasag ang kanyang mga buto!
At sinundan naman ito ng matinding sakit!
Dahil sa biglang sakit na naramdaman niya, lumambot ang pagkakahawak niya sa kanyang mga dagger.
Pero tila wala naman nagbago sa sitwasyon ng Snake Witch matapos ang pagsigaw na ito.
Puno ng galit ang kanyang mga mata, at bahagyang nanghina ang katawan nito. Ang [Bone Breaking Screech] ay gumagamit ng malaking bahagi ng kanyang Magic Power.
Isa itong uwi ng Legendary Witchcraft na magdudulot ng matinding pinsala, babasagin nito ang buto ng sino mang nilalang na nasa limang metro ang layo sa gumamit nito!
Napinsala ang mga buto ni Marvin, pati na ang sa Witch.
Pero para sa Snake Witch, ito lang ang spell na makakapigil kay Marvin.
Sa sumunod na Segundo, muling nagbago ang itsura ng Snake Witch, nawala ang pulang kaliskis nito. Isang nanginginig na babaeng nakahubad ang naglakad palabas ng pulang hamog.
-- 收到的禮物 
-- 推薦票
榜單 
-- 推薦票