章節 449: Palibutan Sila
編輯: LiberReverieGroup
"Alam mo talaga kung nasaan si Charlie?" Tanong ni Sam sa isang seryosong tono.
Tumango si Ryan. "Siyempre! Hindi ko ito binanggit kanina dahil wala naman akong mahihita. Ngayon na mayroon na, handa akong sabihin na."
"Ryan, kapag nagsinungaling ka sa amin, isa ka nang patay na bangkay!" Itinuro siya ni Wolf at nagbabala.
Tumawa si Ryan. "Huwag kang mag-alala, hindi ako magsisinungaling sa iyo."
"Sige, pagkakatiwalaan ka namin sa pagkakataong ito." Tumango si Sam, sinenyasan si Wolf at Ali na ilabas ang baul. Ang dalawa ay naglabas mula sa car trunk ng isang parisukat na baul na gawa sa pilak. Ibinaba nila ang baul sa sahig matapos ay binuksan nila ito; ang kinang ng baul na puno ng ginto ay nakakasilaw. Sa ilalim ng kislap ng araw, ang ginto ay nakakahalina. Ang mga mata ni Ryan ay napako na sa mga ito. Hindi niya inaasahan na ang grupo ni Sam ay makakapaghanda ng ganito karaming ginto!
Kinusot ni Ryan ang kanyang mga mata at nagtanong, "Saan ninyo nakuha ang napakaraming ginto na ganito?"
Misteryosong ngumiti si Sam. "Wala na itong kinalaman sa iyo. Ang tanging kailangan mong sabihin sa amin ay ang lokasyon ni Charlie."
"Sam, tapatin mo nga ako, nakahanap ba kayo ng mabilis na paraan para yumaman? Ayoko na ng ginto, ang gusto ko ay ibahagi na ninyo sa akin ang paraan ninyo ng pagyaman," sabi ni Ryan ng may ngiting sumisipsip. Sinusubukan niyang malaman kung ang SamWolf ay nakipagtulungan sa ilang pwersa na hindi niya pwedeng banggain. Siyempre, agad na nakita ni Sam ang plano nito.
Sumagot ito ng may seryosong mukha, "Walang ganoong paraan, naging maswerte lang kami."
"Totoo?"
"Kung totoo man o hindi ay wala ka nang pakialam pa doon. Kung hindi mo sasabihin sa amin ang lokasyon ni Charlie, aalis na kami at tapos na ang usapan natin!" Tumalikod na si Sam para umalis. Isinara na ni Ali ang baul at naghanda na ding umalis. Sinundan ng mga mata ni Ryan ang baul at isang malamig na intensiyon ang lumabas mula doon.
"Lumabas kayo dito!" Mabilis nitong utos at maraming tao ang nagsilabasan mula sa mga sirang bahay. Mayroong hindi bababa sa tatlumpung tao at ang bawat isa ay may hawak na baril. Ang lahat ng mga ito ay nakatutok sa grupo ni Sam na napapaligiran sa gitna. Agad na itinaas ng grupo ni Sam ang kanilang mga baril. Pumorma sila ng isang bilog bilang depensa agad-agad. Kahit si Ali ay ibinagsak ang baul para kuhanin ang kanyang armas.
"Ryan, ano ang ibig sabihin nito?!" Galit na tanong ni Sam.
Tumawa ng malakas si Ryan, ang kanyang mga mata ay puno ng kadiliman. "Hindi ba halata? Ninanakawan kita! Iwanan ninyo ang ginto at mga armas at baka maisipan kong hayaan kayong umalis ng may buhay pa!"
Nanghahamak na sumabat si Wolf, "Sa tingin mo ang grupo ng mga sanggano mo ay kaya kaming patumbahin?"
Habang sinasabi niya ito, lumapit ang mga ito sa kanila. Ang grupo ni Sam ay agad na naging alerto.
Mayabang na sumagot si Ryan, "Tama iyon, ang grupo ng mga sanggano na ito ay nanakawan kayong lahat! Ang SamWolf ninyo ay matagal na kaming hinahamak, 'di ba? Well, ipapatikim namin sa inyo ang lakas ng Grey Rats ngayon! Ano naman kung bihasa kayo, kaya ba ninyo kaming lahat?!"
"Ako lang ay sapat na para patayin ang kalahati sa mga sanggano mo dito!" Nanghahamak na sagot ni Sam at walang takot na dumagdag pa si Wolf, "Iwanan mo ang kalahati sa akin kung ganoon!"
"Isang grupo ng mga hangal, ipakita sa kanila kung sino ang binabangga nila!" Utos ni Ryan at walo sa mga lalaki ang naglabas ng granada.
Kahit si Cairn ay nawala na sa huwisyo. "P*ta, gamit namin iyan ha!"
-- 收到的禮物 
-- 推薦票
榜單 
-- 推薦票