HFH Series: Alexander Kier Vincent Rios - The General's Son

Namamayagpag si 1st Lt. Remie Alexis Aritana sa career niya bilang isang Philippine Air Force Pilot sa edad na bente-otso. Naalarma siya nang marinig niya sa ama at sa isang Heneral na si Lucio Mondejar ang masinsinang usapan nito sa opisina tungkol sa arrange marriage sa anak nitong si Capt. Louis Mondejar. Hindi siya makakapayag na pati ang personal niyang buhay ay pakikialaman pa ng diktador na ama kahit sabihin pa na involve rito ang karangalan at kapangyarihan ng kanilang pamilya.

Kaya kinuha niya ang serbisyo ng RnJ Dating Services.  Isang kompanyang magbibigay solusyon sa problema niya upang pansamantalang mag-hire ng asawa na ihaharap sa ama kahit limasin niya ang pera niya.

At nakilala niya ang binatang si Kervin Fereira. Isang angkas rider na ipinadala ng ahensiya. Inaakala niya noong una ay pipitsugin lamang ang ipapadala ngunit napamaang siya nang magkita sila sa isang restaurant. Isang purong may lahing Amerikano. Matikas ang tindig ng binata, may matangos na ilong, matangkad at higit sa lahat ang magaganda nitong kulay asul na mga mata. Nagkasundo naman agad sila kahit alam niyang hindi madali ang pinasok niyang sitwasyon.

Galit na galit naman ang ama ni Alexis pero nagawa itong mapaamo ng binata pati na rin siya.

Pero paano kung gulo pala ang dala ni Kervin sa buhay niya at may iba itong pakay sa pakikipaglapit sa ama niya?

Paano niya rin isasalba ang pusong unti-unting nahuhulog na para sa binata?