Chương 40: Kabanata 40: Bagong Hamon sa Hilltop Compound
Kabanata 40: Bagong Hamon sa Hilltop Compound
Pagkalipas ng tatlong buwan, malaki na ang pagbabago sa Hilltop Compound. Unti-unti, ang dating tagpi-tagping kampo ay naging maayos na tirahan para sa grupo. Ang ilan sa kanila ay nasanay na sa bagong takbo ng buhay—tuloy-tuloy ang gawain araw-araw, mula sa pagsasaka hanggang sa pangangalaga ng mga alagang hayop.
Sa View Deck, kitang-kita ang kasaganaan ng kanilang taniman. Ang mga gulay ay nagsimula nang magbunga, nagbibigay ng sariwang pagkain para sa lahat. Sa kanilang kulungan, regular na ang pag-ani ng itlog mula sa mga manok, at ang gatas mula sa mga kambing ay naging bahagi na ng kanilang pang-araw-araw na pagkain.
Ngunit sa kabila ng mga tagumpay, alam nilang marami pa silang kailangang gawin.
Sa gitna ng compound, nagtipon ang grupo para sa kanilang lingguhang pagpupulong. Sa gitna ng usapan, sinabi ni Joel, "Mga kasama, kailangan na nating mag-desisyon tungkol sa kuryente. Pwede tayong gumamit ng solar panel, pero limitado ang kakayahan nito sa gabi. May isa pang opsyon: gamitin natin ang kuryente mula sa hydro power plant sa Angat."
Napatigil ang lahat, tahimik na nag-iisip. Sumagot si Vince, "Ang problema, Joel, wala naman sa atin ang marunong mag-operate ng planta. At saka, hindi pa natin alam kung ligtas doon. Hindi natin alam kung may mga zombie o tao pa sa lugar na yun."
Sumabat si Mon, "Kung sakaling gagamitin natin ang planta, kailangan nating i-check ang lugar. Kailangan din natin ng tao na marunong magpatakbo ng mga makina. Kung hindi, baka mas malaking problema ang kaharapin natin."
Tumingin si Monchi, ang doktor ng grupo, kay Mon. "Kaya bang i-repair ni Joel ang planta kung sakaling hindi na gumagana? May iba ba sa atin na may background sa ganitong bagay?"
Nagkibit-balikat si Joel. "Alam ko ang basics ng makina, pero kung hydro plant na pinag-uusapan, ibang usapan na 'to. Hindi rin tayo pwedeng magtagal doon kung di natin masisigurado ang kaligtasan."
Tumayo si Shynie at nagsalita, "Pwede naman siguro nating unahin ang solar panel. Mas simple, mas mabilis ang setup. At least, meron tayong backup kung sakaling matagalan sa pag-aaral sa planta."
Pumayag ang ilan, ngunit halata ang pag-aalinlangan sa kanilang mga mukha.
Sabi ni Mon, "Ganito ang gagawin natin: magbuo tayo ng maliit na team para i-check ang planta. Kung ligtas at operational pa ito, pwedeng maging pangmatagalang solusyon yun. Sa ngayon, mag-invest muna tayo sa solar panels. At least, meron tayong kuryente habang wala pa tayong tiyak na sagot."
Tumango si Joel, "Sang-ayon ako. Pero bago ang lahat, sisiguraduhin nating may sapat tayong kagamitan para protektahan ang sarili natin kung sakaling may panganib sa planta. At kung may mga buhay pa doon, kailangan nating maghanda."
Nagkaisa ang grupo sa plano. Ngayon, isang bagong hamon ang kanilang haharapin—hindi lang ang pagtitiyak ng kaligtasan ng kanilang kampo kundi ang pagkakaroon ng sapat na kuryente upang suportahan ang kanilang bagong simula sa Hilltop Compound.
Tình trạng nguồn điện hàng tuần
-- Xếp hạng
Quyền lực 
-- Đá
Quyền lực