Chương 23: Chapter 23

KANINA pa hindi mapakali si Leighana. Hindi niya alam kung ano ang iniisip ng Mama niya matapos nitong malaman na doon siya sa mansyon ng mga Dela Vega naninirahan, kasama si Ziv. Ngunit base sa biglaang panlalamig ng tinig nito nang magpaalam, she knew, she's in big trouble.

Huwag nang idagdag pa, kapag nakita siya nito ng personal.

Malapit nang mag-apat na buwan ang tiyan niya, at sa tingin niya ay mas malaki ito kaysa sa pangkaraniwan. Kahit pa ano'ng gawin niya ay malabong maitago niya ito sa paningin ng Mama niya.

Paroon at parito siya ng lakad sa loob ng silid habang tensyonadong pinagpipingki ang mga daliri. Hindi niya malaman kung kailangan niya bang tawagan si Ziv upang pauwiin ito at sabay nilang harapin ang Mama niya, o, kausapin niya muna ng sarilinan ang ina at siya muna ang magpaliwanag dito ng kinasuungang sitwasyon.