Chương 399: Please, Call My Wife.

Nang nakita ni Dr. Garcia kung gaano na lang ang takot ni Tanaga, nagpasya siyang payagan ito na kausapin ang kanyang asawa isang huling beses bago nila ipagpatuloy ang clinical trial. 

"Dr. Green, bakit hindi muna kayo mag pahinga ng nurse ng ilang sandali.  Susunduin ko muna si Mrs. Jones," iminungkahi ni Dr. Garcia bago ibinaba niya ang syringe sa medical tray na nasa tabi ng kamang hinihigaan ni Tanaga.

Tumango lang si Dr. Green bilang pagsangayon at agad-agad lumabas ng kwarto, kasama ang nurse. Umalis din si Dr. Garcia upang hanapin si Ashley.  Natagpuan niya ito sa hardin, kausap si Sato at si Mrs. Garcia.  Nagdalawang isip siya kung makikinig ba muna siya sa kanilang pinag-uusapan--ngunit masyado siyang malayo para marinig ang lahat.

Nagulat ang tatlo nang marinig nilang may umubo, si Dr. Garcia ay nasa likuran.