Chương 279: Pag-iisipan Pa!

Napabilis ang pasok ni Tanaga sa loob ng hospital na hindi man lang nya alam kung saang floor sa pupunta. Minabuti niyang tumigil sandali at tawagan si butler Ruffy upang matanong na rin nya kung ano ang sitwasyon ni Ashley.

Tamang tama naman na bumaba pala si butler Ruffy upang salubungin si Tanaga at nagkita sila sa lobby. Minabuti ni butler Ruffy na pumunta muna sila sa coffee shop at doon mag usap.

Hindi naman tumanggi si Tanaga dahil kailangan niya ring kumalma bago sya humarap sa mga in-laws niya at kay Ashley. 

Habang naglalakad sila papunta ng coffee shop, nagsimula ng magtanong si Tanaga dahil panay ang kabog ng dibdib niya.

"So, ano na ang sitwasyon sa kanya? Nakalabas na ba siya sa operating room?" Aniya ni Tanaga habang halatado sa mukha niya ang pagaalala.

Nabuhayan ng loob si butler Ruffy ng marinig niya ang tanong ni Tanaga. Kaya naman hindi malaman kung saan siya magsisimula.