Chương 243: Do You Know Who He Likes? (3)

Biên tập viên: LiberReverieGroup

Noong oras na yun, bigla siyang nakaramdam ng hindi maipaliwag na takot na parang nilulunod siya.

Kung may nangyari kay Qiao Anhao ng dahil sakanyang mga crew, hindi niya talaga mapapatawad ang kanyang sarili.

Masakit at namamaga ang lalamunan ni Lu Jinnian kaya parang may nakabara rito.

Gamit ang dalawang kamay, hinawakan niya ang kamay na may band aid ni Qiao Anhao kung saan ito nilagyan ng swero.

Biglang pumasok sa isip niya ang itsura ni Producer Sun noong pumasok siya sa kwarto nito. Ang itsura ni Producer Sun na nakapatong kay Qiao Anhao at ang itsura niya na hindi makagalaw habang tinitignan ito. Bigla niyang naramdaman na parang may tumusok sa puso niya na bigla itong hinihiwa at naramdaman niya rin na parang umaagos ang dugo niya mula rito.

Bigla siyang napahawak ng mahigpit sa kamay ni Qiao Anhao na para bang inilalabas niya rito ang inis na nararamdaman. Yumuko siya at dahan-dahang hinalikan ang maninipis nitong mga daliri.

Pagsapit ng alas dos ng madaling araw, hindi na kinaya ng kanyang assistant, na nakatayo sa labas para bantayan ang hospital room, ang antok kaya bumaba ito para matulog muna sa sasakyan. Noong medyo mahimbing na ang tulog nito, bigla namang may kumatok sa bintana kaya nagising ito at naalimpungatan. Pagkababa ng bintana, nakita nito si Lu Jinnian na nakatayo sa labas habang buhat-buhat si Qiao Anhao na natutulog ng mahimbing.

Agad na nagising ang diwa ng assistant at dali-daling bumaba ng sasakyan para buksan ang passenger door. Hinintay muna nitong makapasok at makaupo ng assistant si Lu Jinnian na buhat-buhat si Qiao Anhao bago pumasok muling pumasok sa sasakyan. Nakailang beses din itong humikab bago nagtanong, "Mr. Lu, pupunta ba tayo sa set o babalik tayo sa Mian Xiu Garden?"

Halatang wala pang tulog si Lu Jinnian dahil nangingitim na ang ilalim ng mga mata niya. Maputla na rin ang kanyang mukha pero hindi man lang nabawasan kahit konti ang kanyang ka'gwapuhan. Tinignan niya ang babaeng komportableng natutulog sa kanyang braso at mahinang sinabi, "Sa Mian Xiu Garden."

Ramdam ng assistant ang bigat ng sitwasyon kaya hindi na ito nagsalita pa, binuksan nalang nito ang makina ng sasakyan at dumiretso sa Mian Xiu Garden.

Kakagising lang ni Madam Chen noong makarating sila sa Mian Xiu Garden at pagkarinig nito ng tunog ng sasakyan, mabilis itong tumakbo papalabas ng mansyon para sumalubong. Nakita nito si Lu Jinnian na buhat-buhat si Qiao Anhao kaya nagulat ito bago magtanong, "Anong nangyari kay Missus?"

Hindi sumagot si Lu Jinnian at dumiretso lang sa loob para iakyat si Qiao Anhao sa mansyon at inihiga niya ito sa malaki at malambot na kama. Pagkatapos niyang ikumot ang duvet dito, dahan-dahan siyang lumabas ng kwarto at kinausap si Madam Chen, "Wag mo masyadong gawing oily ang congee na lulutuin mo para sa breakfast."

Tumungo si Madam Chen at sumagot, "Opo."

Naglakad papalayo si Lu Jinnian ngunit bago pa siya makarating sa hagdanan ay bigla siyang huminto at muling nagsalita, "Huwag mong istorbohin ang pagpapahinga ng Missus at wag mong hahayaang lumamig ang congee para mainit itong makain ng Missus paggising niya."

"Opo."

Ilang sandali pang nanatiling nakatayo si Lu Jinnian at dinagdag, "Bantayan mong mabuti ang Missus. May kailangan lang akong gawin kaya aalis na ako."

"Understood, Mr. Lu."

Hindi na sumagot si Lu Jinnian at tuluyan ng bumaba ng hagdan. Hindi nagtagal, naarinig sa loob ng bahay ang tunog ng sasakyang paalis.

Nanaginip si Qiao Anhao ng isang napakagandang panaginip. Nandoon ang kanyang nanay at tatay. Kahit matagal ng patay ang kanyang mga magulang, malinaw pa rin sakanya ang mga bata at nakangiting itsura ng mga ito. Naalala niya rin ang kanilang bakuran na may dalawang puno ng pomegranate. Tuwing autumn, namumunga ito ng pulang-pulang mga prutas na para bang magagandang lanterns.

Sa kanyang panaginip, may nakita rin siyang isang maputing batang lalaki na naka'school uniform pero bigla nalang nagbago ang kanyang panaginip at ang batang lalaki ay naging isang binatang nakasuot ng modernong damit, ito ay walang iba kundi ang cold pero charming na si Lu Jinnian.

bình luận bình luận của 5

Bình chọn

GỬI QUÀ TẶNG

Load failed, please RETRY