Chương 613: Kasamahan

"Kapag nasa kalagitnaan ng isang malaking krisis ang buong Team, hindi ba't ang pakikipagtulungan sa isa't-isa ang pinakamainam na paraan para maresolba ang problemang kinakaharap nilang lahat?"

"Pero sa mga panahong hinarap ng Excellent Era ang kanilang problema sa pangunguna ni Liu Hao ay marami-rami na rin sa mga manlalaro nila ang naisip na parang isang lumulubog na barko na nga ang Excellent Era, ginawa na lamang nila ang lahat nilang makakaya para maisalba ang kanilang sarili."

"Kung ganoon ay ano ba ang dahilan nila kung bakit nila tinatago si Sun Xiang?" Tanong ni Chen Guo kay Ye Xiu.

"Mainam para sa kanila ang desisyon na iyon kahit na bumagsak pa man sila o hindi." Sabi ni Ye Xiu.

"Bakit naman?"

"Tanging dalawang posibilidad lamang ang maaring mangyari sa Excellent Era sa season na ito. Ang unang posibilidad ay hindi sila babagsak, na syempre ay mas maganda para sa kanila..."