Chương 594: Ang Nawalang Pagkakataon

Si Dazzling Spring ang naunang gumalaw sa kanilang lahat. Pero hindi na nagulat ang lahat dahil hindi naman ito kakaiba para sa kanilang paningin. Nasanay na sila na si Dazzling Spring ang nangunguna.

Pero syempre, matapos makita ng mga manlalaro na si Dazzling Spring na naman ang nanguna sa labanan. Kaagad silang nagalit at hinagisan nila ng mga atake si Dazzling Spring.

Para mahatak ng isang manlalaro ang BOSS ay paniguradong pupuntiryahin ng mga kapwa niya manlalaro ang manlalarong iyon. Marami-rami rin sa mga guild na nandirito ang may galit kay Dazzling Spring.

Ito'y dahil sa alam nilana habang ang taong iyon ay nasa ibabaw ng tulay, paniguradong makukuha na naman ng Blossom Valley ang BOSS.

Tanging ang Tyrannical Ambition lamang ang guild na nagtimpi't hindi na muna gumalaw para makisawsaw. Pero sa totoo lang ay mas kabado pa si Jiang You kaysa sa kanilang lahat, sa kasamaang-palad. Dahil wala pa si Unrivaled Super Hottie ay wala pa silang magagawa.