Chương 952: Ang Ikalimang Mapa (8)
Biên tập viên: LiberReverieGroup
"Ilang tao mayroon ang kalaban?" maingat na tanong ni Hua Yao. Hindi ito ang unang
pagkakataon na nagpumiliti silang magtungo sa isang lugar kahit na alam nilang may mga tao
doon mula sa Twelve Palaces.
"Hindi sigurado si Qu Ling Yue tungkol doon. Bukod doon sa Great Grandaunt, mayroong
tatlong permanente na nasa Thousand Beast City, at kung may iba pa na naroon ay hindi
sigurado." saad ni Jun Wu Xie.
"Ang sigurado ay mayroong apat." saad ni Fei Yan, hinimas niya ang kaniyang baba sinusukat
kung gaano kapanganib ang kanilang haharapin sa misyon na ito.
"Maaaring hindi iyon kasing sama nang iniisip natin. Hindi lamang ang mga tao mula sa Twelve
Palaces ang ating kaaway. Sila ay kaaway rin ng mga mamamayan ng Thousand Beast City.
Hangga't matitiyak natin ang kaligtasan ng mga taong dinukot, lahat ng mamayan ng
Thousand Beast City ay handang tumulong sa atin." naniningkit na sabi ni Jun Wu Xie. Ang
poot na nararamdaman ng mga mamamayan ng Thousand Beast City laban sa Twelve Palaces
ay maaaring pareho rin sa kanilang nararamdaman na poot. Hangga't ang miyembro ng
kanilang pamilya ay nasa kamay ng kalaban, wala silang magagawa kungdi ang sumunod sa
mga utos.
Ngunit sa oras na ang kanilang kapamilya ay nakalaya na, bakit nila hahayaan na magpatuloy
na kontrolin sila?
"Mukhang sa mga oras na ito, ay kailangan pa rin natin umasa sa munting ulo mo." nang
marining ni Qiao Chu na sabihin iyon ni Jun Wu Xie, ay bigla niyang naalala ang mga nangyari
sa Fire Country. Bagama't alam nila na ang kanilang kapangyarihan ay walang-kapantay sa
mga tao ng Twelve Palaces, ngunit nasa kanilang panig ang mahusay at matalinong si Jun Wu
Xie!
"Kung gayon, subukan natin at gamitin natin ang ilang tao mula sa Twelve Palaces bilang
pagsubok sa atin. Nakatakda rin naman na harapin natin sila malao't madali." nakangiting
saad ni Fan Zhuo. Sa Zephyr Academy noon, ay alam na nila kung ano ang pakiramdam, at
hindi sila natatakot na gawin ulit iyon!
"Heh heh, ngunit may isnag bagay akong nais tanungin kay Little Xie." biglang sabi ni Qiao
Chu, isang walang hiya at hamak na ngiti ang bumakas sa kaniyang mukha.
Sumulyap sa kaniya si Jun Wu Xie at sinabi: "Magsalita ka."
"Err… Si Big Brother Wu Yao… kailan siya babalik?" tanong ni Qiao Chu, inosenteng kinurap-
kurap ang kaniyang mga mata. Sa totoo lang, si Qiao Chu ay may matinding paghanga kay Jun
Wu Yao, masasabing iyon ay pagsamba na. Kung makakasama sa kanila si Jun Wu Yao, ang
mga tao mula sa Twelve Palaces ay hindi magiging problema. Kahit na madoble pa ang
kanilang bilang, ay hindi iyon magiging banta sa kanila.
Minsan ay nagiging interesado sila sa kung saan talaga nagmula si Jun Wu Yao at ito ay
sobrang makapangyarihan na maging ang mga tao mula sa Twelve Palaces ay walang
pagkakataon na makaligtas sa kaniyang mga kamay.
Natigilan si Jun Wu Xie, hindi niya inaasahan na babanggitin ni Qiao Chu si Jun Wu Yao.
May katagalan na rin nang umalis si Jun Wu Yao. Naisip niya na magbabalik ito makalipas ang
ilang araw ngunit, nagdaan ang mga araw, naisip niya na maaaring mawawala na naman itong
muli.
"May mga bagay na dapat ay tayo ang gumagawa." saad ni Jun Wu Xie, ibinaba nito ang
tingin. Hindi alam ang dahilan kung bakit, ngunit nang banggitin ni Qiao Chu si Jun Wu Yao, ay
mayroong hindi maipaliwanag na damdamin sa kaniyang dibdib, at nagdulot iyon ng
pagkabalisa sa kaniyang puso.
"Ehem. Nasabi ko lang iyon. Huwag mo masyadong dibdibin. Alam ko iyon. Upang maipataw
ang paghihiganti na inaasama natin, kailangan ay tayo ang gumawa noon. Sa paraang iyon ay
masasabi natin na iyon ay tama at kasiya-siyang paghihiganti." mabilis na sabi ni Qiao Chu.
Hindi sa nais niyang sakyan ang kaniyang patotoo, ngunit iyon ay dahil sa si Jun Wu Yao ay
isang tao na hinahangaan niya.
Nang maramdaman na sinusumpong si Jun Wu Xie, si Hua Yao at ang mga kasama ay hindi na
nagsalita pa at naghiwa-hiwalay upang makapaghanda na sa susunod nilang destinasyon, sa
Thousand Beast City!
Si Jun Wu Xie ay nanatili sa likod ng silid ni Fan Zhuo habang si Hua Yao ay nagtungo kay Qu
Ling Yue at Xiong Ba upang pag-usapan ang tungkol doon.
Masaya si Fan Jin nang malaman na babalik na sila sa Zephyr Academy ngunit biglang nagbigay
ng impormasyon sa kaniya si Fan Zhuo sila makakasama sa pagbabalik kasama niya. Ngumiti
lamang si Fan Jin at hindi na gaanong nagsalita, pinaalalahanan lamang niya si Fan Zhuo na
ingatan ang sarili.
Quà tặng
-- Nhận quà Tình trạng nguồn điện hàng tuần
-- Xếp hạng
Quyền lực 
-- Đá
Quyền lực