Chương 815: Ang Tunay na Lakas ni Su Li

"Tian Wu." Sina Zhang Shou Yong at Feng Tian Wu ay tumayo nang magkaharap at mayroong nahihiyang ekspresyon. Dahil kinakawawa niya ang mas bata sa pamamagitan ng paghamon kay Feng Tian Wu.

"Kuya Zhang, hindi mo kailangang mag-alala. Maaari kang lumaban gamit ang buo mong lakas." Si Zhang Shou Yong ay isang mabuting kaibigan ni Duan Ling Tian at para kay Duan Ling Tian, itinuring na rin ni Feng Tian Wu si Zhang Shou Yong bilang kaniyang kaibigan, kaya tinrato niya ito nang may paggalang.

"Sige!" Tumango si Zhang Shou Yong, at ang kaniyang ekspresyon ay naging seryoso at hindi siya naglakas-loob na maging padalus-dalos.

Kahit na siya ay isang martial artist na nasa ikalawang antas ng Void Interpretation Stage na napag-aralan na ang ikalawang antas ng Interemediate Earth Concept, ang lakas na ipinakita ni Feng Tian Wu kanina ay hindi mas mababa kaysa sa kaniya.

Ito ay nasa punto na ang lakas ni Feng Tian Wu ay baka mas malakas kaysa sa kaniya.