Chương 232: Isang Taon ng Paglakas

Sa loob ng ilang araw ay mabilis na naideliver ng HR alliance ang mga parte mula sa mga sinaunang spaceship at iilang sira-sirang parte sa isang lugar na may layong 100km mula sa Yang Zhou City. Itinago nila ang mga malalaking parteng iyon sa loob ng isang warehouse na matatagpuan sa parte ng Forsaken Land na malapit sa Yang Zhou City. Hindi nagtagal ay itinago ni Babata ang lahat ng mga materyales na ito sa sarili niyang virtual storage space.

Si Luo Feng ay mayroon ng isang storage ring! Pero maging si Babata ay may sarili rin nitong storage space.

Magagawang maitago sa storage space na ito ang lahat ng mga bagay na walang buhay, mga bangkay, atbp. Halatang mas malaki ang storage space ni Babata kaysa kay Luo Feng! Dahil nagawa niyang itago rito ang lahat ng mga materyales maging ang mga kagamitang kanyang gagamitin sa paggawa ng isang spaceship. Sa space na ito na rin niya sisimulan ang paggawa ng isang maliit na spaceship!