Chương 160: Si Hong at ang Mahabang Baging

Sa isang parang sa gilid ng lawang pumapalibot sa misteryosong isla.

Sina Vulture Li Yao, Phantom Demon Catalan, Great Bear Keita, at Blood Shadow Ethan. Buong takot silang tumingin sa misteryosong isla sa gitna ng lawang iyon. Tiningnan din ito ng lumilipad na si representative Farr sa kanilang tabi habang makikita naman sa kalangitan sa ibabaw ng isla ang wala sa sariling pagsayaw ng anim na naghahabaang mga baging.

"Anong klase ang mga bagay na iyan? Paanong naging ganito kalakas ang mga iyon?"

"Talagang katakot-takot. Hindi ito kayang talunin maging ng mga fighter na lumalampas sa wargod level."

Mahinang nag-usap sina Vulture Li Yao at ang mga kasamahan nito. Natitigilan at natatakot ng husto ang mga ito. Kung hindi lang sila inilipad ni representative Farr at kung hindi lang abala ang mga baging na iyon sa paghabol sa royal guard na si Ice Mountain ay hindi na nila magagawa pang makatakas dito.

Whoosh!