Nadia_Lucia

Pinatigas at pinatibay na ng panahon ang dating sugatang puso ni Ynna. Sa ngayon mas pinagtutuunan niya ng pansin ang mas importanteng bagay sa buhay niya. Pero sadya yatang nanadya ang tadhana nang muling mag-krus ang landas nila ng lalaking nanakit at umiwan sa kanya. Ang isa pang kinaiinisan niya ay para bang hindi malaking kasalanan ang ginawa nito sa kanya noon at tila normal lang na makipagusap sa kanya! Ngayon sisiguraduhin niyang hindi na ito muli pang makakapasok sa puso niyang pilit niyang binuo sa kabila ng maraming hamon ng buhay na naranasan niya. Kahit na sukdulang itago niya ang isang katotohanang naghuhumindig na sa pagmumukha nito. Hinding-hindi as in Never!

Eight years, ganoon katagal nilihim ni Rizza ang tungkol sa nararamdaman niya para kay Ryan ang tinaguriang monster boss ng mga kaibigan niya. Paano kung sa isang iglap ay nalaman nito ang pinakatatago-tago niyang sikreto? Kaya sa huli ay nagpasya na siyang mag-resign na sa trabaho kaysa harapin ang rejection ng amo. Pero bakit bigla na lang din ang pagbabago ng pakikitungo sa kanya ng amo? Pwede ba siyang umasa? Kaya ba niyang sumugal sa isang damdamin na hindi siya sigurado kung magagawa nga bang ibalik sa kanya ni Ryan?

Pagkatapos ng break up ni Athena sa dating boyfriend ay nagresign at nag-apply siya sa isang sikat na restaurant bilang patissier. Pero paano na lang kaya kung malaman niya na ang lalaking tumulong sa kanya noong minsan siyang malasing ay ang siyang may-ari ng restaurant? Magagawa kaya niyang makapagtrabaho ng maayos gayong mukhang may crush siya sa masungit na amo? Pero kakagaling lang niya sa isang bad break up ano ang susundin niya ang utak na nagdidikta sa kanya na wag na muling umasa o ang pusong nagsasabi may panibago na naman itong tinitibok? Hala anong gagawin niya?