บท 397: Tanaga Is Sulking

Samantala, sa loob ng sala, natapos na si Tanaka na mag kwento ng kanyang nakaraang buhay. Sinabi niyang lahat ng bagay na naalala niya hanggang sa huling araw na nagkita silang muli ni Tanaga.

Ang mukha ni lola Hanada ay puno ng luha, habang si Tanaga naman ay nagsisimula ng mainip dahil hindi pa bumabalik si Ashley at Koji mula sa hardin. Parang inaapuyan ang kanyang pwet at gusto ng puntahan ang asawa at pinsan.

'Ano kaya ang napakahalagang bagay na pinag uusapan nila at hanggang ngayon ay hindi pa sila pumapasok?' Sa isipan ni Tanaga habang ang kanyang nuo ay nakakunot at napaka lalim ng iniisip. Hindi niya napansin na pinagmamasdan na pala siya ni Tanaka at lola Hanada.

Nagtataka siya kung anong klaseng negosyo ang kailangan nilang pag-usapan, at kung bakit kailangan pa nilang lumabas upang doon mag usap? Dahilan upang lumabas ang pagka seloso nito at handa na sanang gumawa ng paraan upang puntahan ang dalawa sa hardin.