บท 342: Hindi ka Mamamatay kung Hindi mo Susuyuin ang Kamatayan (4)

Isang linggo ang lumipas; nagrequest si Huo Mian ng day off sa South Side para maghanda sa paglilitis.

Ito ay naka-schedule ng 9 AM, kaya gumising si Huo Mian ng 7:30 AM.

Naligo siya at pagkatapos, pinili niya ang pulang blazer, itim na shirt at suit pants sa damitan niya. Ito ay sobrang elegante tingnan/

Ang pinaka-importante, iniisip ni Huo Mian na ang pula ay isang maswerteng kulay at inaasahan na magiging maayos ang lahat ngayon.

Inilugay niya ang kanyang buhok na hanggang balikat lang at naglagay ng kaunting makeup. Mukha siyang isang white-collar na handa na para magtrabaho.

Pagkababa niya para mag-agahan, medyo nagulat si Qin Chu pagkakita nito sa kanya.

"Mukhang good mood ka ngayon."

"Syempre, hindi dapat mawala ang moral ko. Narinig ko rin na ang pagsusuot ng red ay swerte, kaya inaasahan ko na magiging maayos ang lahat ngayong araw." Inabot ni Huo Mian ang isang baso ng gatas at ininom.

"Ito nga ay magiging maayos."