บท 44: KUNA MTU
"Sawa baba, lakini kuna kitu kinanipa wasi wasi" Joselyn akamwangalia baba yake ambaye alikuwa akifuta mikono yake na taulo baada ya kumaliza kifungua kinywa
"Nini tena binti yangu?" Akauliza Martinez
"Nina wasi wasi na Ed,....aahm... ni kama ana nia mbili kuendelea na pete na hasa tangu alipogundua yule mtu wako pale Boric amekuwa mbali na mimi"
"Eeehmmm..... wewe unatakiwa kumuonesha haujui chochote kuhusu mimi. Make him see your love is pure Joselyn"
"Lakini baba.... what if amepata mtu mwingine?" Joselyn alijibu huku akinawa mikono kwenye karo lililokuwa pembeni ya ukumbi huu wa chakula....
"Tutamuondoa....mpaka tufanikishe mpango wetu. Au umemuona mwanamke mwingine aliyekupa wasiwasi?" Akauliza Martinez ambaye sasa aliinuka kumsogelea binti yake ambaye alikuwa akifuta mikono..
"Aaah sijui baba ila jana kuna binti mshamba mmoja hivi alikuja na Derrick....lakini Ed alikuwa wa tofauti kila mara alipoongelewa huyo binti. Sina hakika lakini kuna kitu kinaendelea" akamueleza baba yake
"Mmmmmh... sawa. Fanya utafiti mdogo juu yake halafu nijulishe nitalifanyia kazi. Kwa sasa please play a part of a good fiancee...sawa binti yangu?" Akasema maneno haya huku akimbusu paji la uso binti yake.
"Haya baba. Nitajaribu" Joselyn akamkumbatia baba yake na wote wawili wakaondoka kuelekea kazini.
*****************
Edrian alikuwa busy na watu wa IT ambao walikuwa wakifuata maelekezo ya Captain ili kuweza kufungua kompyuta za kila idara. Hii ilikuwa baada ya Captain kumweleza Ed kuwa kuna mtu alitaka kudukua taarifa za SGC, lakini 4D walishaweka ulinzi wa kompyuta zile ndio maana zimejifunga.
"Mwambie Alphonce wasijaribu kuzifungua wala kupakua applikesheni kwa upya. Wasubiri muda mfupi nitaenda nao hatua kwa hatua" yalikuwa maelekezo ya wazi kutoka kwa Captain.
Saa moja lilipita na tayari karibia nusu ya kompyuta zilikuwa zimeshafunguliwa.
"Allan endelea hapo niko ofisini, nahitaji kucheck na watu wa site wanaendeleaje na maelekezo hayo.."
"Okay, bro" Allan alimjibu Ed ambaye alisimama kuelekea ofisini kwake.
"Boss nikuandalie kahawa?" Loy aliuliza mara baada ya Ed kuingia ofisini...
"Sawa.. andaa kikao cha dharura na wakuu wa idara wote.. weka maandalizi ya "Live meeting"....na pia cancel ratiba yangu ya nje kwa leo."
"Sawa boss... muda upi utafaa?" Loy akauliza akiwa amesimama tayari kwenye mashine ya kuandaa kahawa na wakati huo Ed alisimama kwenye mlango wa kuingia ofisini.
"Weka masaa mawili kabla ya muda wa kazi kuisha. Na tafadhali andaa mkutano na watu wa ulinzi, Allan atasimamia hilo."
Alipomaliza Ed aliingia ofisini, akatoa koti na kulitupia kwenye kochi. Akakaa kwenye kiti na kufungua kompyuta mpakato yake na kuendelea na kazi za ofisi. Taarifa chache zilimfadhaisha kutoka G-Town juu ya ukaguzi wa watu wa mazingira ambao waliwapa siku tatu watoe tathmini ya utunzaji wa mazingira ya mgodi huku wakitoa onyo kali la kusitisha uchimbaji hadi tathmini itakapomalizika kukaguliwa.
Ed akapiga simu kwa mkuu wa oparesheni na kuzungumza naye ambaye alimhakikishia kuwa hakuna makosa yoyote. Akaendelea kupiga akiongea na wakuu walioko kwenye oparesheni akiwaonya mambo ya kuzingatia maana ukweli alihisi kuna mtu anajaribu kuiharibia SGC..
Tangu alipoingia ofisini hakuwa ametulia hata mara moja. Ni saa nne asubuhi lakini alihisi kama jioni imeshafika..akaegama kichwa chake kwenye kiti.....simu yake ikaita... akafumbua macho kuangalia kwenye kioo....ghafla sura yake ikaonesha mng'ao wa tofauti...akatabasamu. ...
"Hello Aretha" kwa sauti ya utulivu akasalimia huku akirudisha kichwa chake kwenye kiti
"Hello Ed....aah busy na kazi?" Akauliza Aretha
"No... hapana. Siko busy tunaweza kuongea" Ed akajibu kwa haraka huku akijicheka mwenyewe maana alikuwa busy na kutatua changamoto za ofisi ila kumsikia Aretha kulimpa raha nafsini...
"Oooh... aaaah...samahani kwa kuchelewa kukujulisha mapema....aaah..nilitaka" akanyamaza Aretha kwa sekunde akifikiri asemeje..Ed akafadhaika moyoni kidogo akijua maneno yale yalikokuwa yakielekea lakini akajipa moyo akijua bado ana nafasi ya kumuona maana koti bado liko na Aretha.
สถานะพลังงานรายสัปดาห์
-- การจัดอันดับด้วยพลัง 
-- หินพลัง