บท 19: Bagian ka 19
Seperti janji Adit dia ajak Ade dan Bela makang dicafé, dorang pasang pisang goreng, nasi goreng, sosis goreng deng kentang goreng sedang minumnya dorang pesan jus jambu, stroberi milk shake deng ice kapucino
sambil tunggu dorang pe pesanan dorang pun ba karlota sambil ta tawa ta tiwi diselingi saling nyindir antara Bela dan
Ade ketika dorang pe pesanan so datang, Ade langsung tada tu nasi goreng. Adit yang
liat itu hanya bisa senyam-senyum aja sedang Bela tegor pa Ade agar jang buru-buru makang dan Ade pun ta tigo oleh makanannya sandiri
"tuhkan baru kita bilang tadi eh malah kejadian deh, makanya kalo cici tegor ba dengar sadiki"
Adit pun segera kase tu stroberi milk shake ka Ade dan Ade langsung minum. Mata Ade kaluar aermata deng idong kaluar ingus. Adit ambe beberapa lembar tissue dan
kase bersih Ade pe muka
"thanks yah Adit"
"sami-sami"
setelah dorang selesai kase abis tu makanan deng minuman yang dorang pasang tadi, Adit lalu ba diri menuju ka kasir for mo bayar tu makanan deng minuman yang dorang ada pasang tadi abis itu dorang kaluar dari café dan order oto melalui aplikasi GoBan (motor Adit kase parkir di Bela pe rumah, dorang tadi ka
café ada pake oto yang dorang ada order melalui aplikasi GoBan)
Setelah itu oto yang dorang order sampe, dorang pun maso ka dalam otol dan oto itu melaju pigi ka Bella dan Ade pe rumah. Setelah sampe Adit bayar uang ka sopir itu sesuai orderan lalu dorang kaluar dari oto lalu oto itu pigi dari Bella dan Ade pe rumah
Adit langsung pamit ka kakak ade itu padahal Bela so buju Adit agar mo maso ka dalam rumah namun Adit tolak deng halus. Kemudian Adit pakai helm dan kase manyala tu motor dan pergi dari rumah kedua kaka ade itu.
"cici" Ade tarik ujung baju Bela
"ada apa Ade kremos"
Ade kase kembung tu pipi
"cici gimana kalo esok lusa torang maen ka ko Adit pe rumah
"ide bagus itu! tapi cici nintau itu Adit pe alamat rumah" Bela kesel seharusnya tadi dia ada tanya Adit pe
rumah
"yah sayang yah"
esok hari di skolah saat jam istirahat Bela dapa lia melamun pa dia pe kelas
"woi! ngelamun aja"
"sialan ngana bekeng kita kage untung kita nyanda jantungan"
"sorry, sori, emangnya ngana ada pikir apa?"
"Adit"
"ha Adit, anak futsal itu kan? emangnya giapa deng dia"
"ta pe Ade mo pingin maen ka Adit pe rumah tapi nyanda tau dia pe alamat rumah"
"gitu aja kok repot"
"emangnya ngana bisa bantu pa kita"
"bisalah, kalo kita berhasil dapa Adit pe alamat rumah ngana traktir kita s'lama seminggu gimana"
"ok, Deal"
"Deal"
dorang dua jabat tangan tanda bahwa dorang sepakat. Setelah tiga hari lamanya Bela ba tunggu akhirnya Lucy berhasil dapa Adit pe alamat rumah, Bela rasa senang dan polo pa Lucy. Sesuai kesepakatan Bela traktir Lucy slama seminggu
สถานะพลังงานรายสัปดาห์
-- การจัดอันดับด้วยพลัง 
-- หินพลัง