บท 24: Chapter 24

DAMN IT!

Kanina pa tawag nang tawag si Ziv kay Leighana, pero iisa pa rin ang isinasagot ng operator.

The number you have dialled is either unattended, or out of coverage area.

Nais niya lang sana itong kumustahin, at alamin na rin kung may nais ba itong ipabili, o kainin

Pagkatapos ng isinagawa niyang operasyon ay dumeretso muna siya sa condo unit niya upang silipin ang progreso ng pagpapa-renovate niya roon.

Hindi niya pa binabanggit dito ang tungkol doon. Nais niya sanang gawin iyong sorpresa sa kasintahan. Isa iyon sa dahilan kung bakit hindi pa sila lumuluwas ng Maynila. Gusto niya munang ipakita iyon sa nobya kapag natapos na.

Naisip niyang ipabago ang disenyo ng unit niya. Ipinaayos niya iyon ng sa tingin niya ay naaangkop sa panlasa ng dalaga. Ipinabago at ipina-alis niya ang lahat ng mga bagay na makapagpapa-alala dito ng tungkol kay Bernadeth. Ayaw niyang magkaroon pa ng kahit na anong ala-ala ng dating asawa sa lugar.