บท 11: Chapter 10
Nagpumiglas siya sa hawak ko, alam kong nahihiya siya sa ginawa ko. Ayaw na ayaw niyang nagiging center of attention. Pero ayaw kong takbuhan niya ako ngayon kaya hinigpitan ko ang hawak sa kanya.
"Justin, pauwi na lang ng bag ko. Coach, una na ako. Bawi ako."
Hinila ko na si Ailyn paalis ng Teatro.
"Bawiin mo 'yun! I told you before, ayaw ko ng distractions. Gusto ko lang makapagtapos ng college ng matiwasay. Nakakahiya baka isipin ng mga nakakita na ang easy ko kasi di man lang ako nag-react. Nagulat ako. Bakit mo ba ginawa 'yun?"
"Kasi nakakairita na and daming lalaki ang kaya mong pansinin at maging ganun ka-close samantalang matagal mo na akong kaibigan at alam mo rin ang nararamdaman ko sayo pero parang wala lang ako sayo. Nagseselos ako. Si Justin kaya mong biru-biruin samantalang kapag sa akin parang wala lang."
"Bahala ka sa buhay mo." Pumara na siya ng tricycle, hindi ko alam kung saan siya pupunta.
Ano bang kagaguhan ang ginawa mo? Hindi na ako bumalik ng meeting at umuwi na lang ng dorm. May pasok pa sana ako ng Hydro pero di na ako papasok. Nakauwi na ako ng dorm papasok na sana ako sa loob ng makasalubong ko ang dorm manager namin.
"Nigel, alam mo ba kung bakit bigla na lang nagdesisyon si Ailyn lumipat ng dorm?" Nagulat ako dahil hindi ko naman in-expect na maiisip niya 'yun.
Nagsalita ulit ang dorm manager namin, "Nagpaalam din siyang hindi muna siya ngayon uuwi dito. Gagawa daw silang school works kaya sa isang kaklase na muna siya matutulog ngayong week."
Hindi ako makasagot, "Nigel, nakikinig ka ba?"
"Opo, nasaan po siya?"
"Nagpunta siyang building nila, kukuha lang daw siya ng gamit."
Umupo ako sa stone table sa harap ng building namin, hinintay ko siya. Papunta na siyang logbook area, kinakausap 'yung guard para kunin ang slip niya.
"Ailyn…" Hindi niya ako pinansin.
"Ailyn, please. Pag-usapan natin 'to."
Umiling siya pero lumingon naman siya sa akin, "Ayusin mo buhay mo, huwag mo akong idamay sa mga kalokohan mo."
Hindi naman kalokohan 'yung ginawa ko, sinabi ko lang naman ang tunay na nararamdaman ko. Bakit ba ang close-minded niya sa bagay na 'yun? Hindi ko naman siya lolokohin, malinis ang intentions ko sa kanya. Hindi din ako magiging distraction sa kanya.
Friday na ngayon pero hindi ko pa rin siya nakikita sa dorm. Nakatambay lang kami nila Ron at Justin sa guard house. Sabay-sabay na dumating ng dorm sila Faye, Ace at Aira. No trace of Ailyn at all.
"Bebe girls, what's up?" si Justin ang unang pumansin sa tatlo.
"Sambakol ang mukha mo kuya Nigel, okay ka lang?" si Aira na umupo sa stone table.
"Hindi. Ilang araw nang walang silay sa kaibigan niyo." Si Justin ang sumagot para sa akin, my spokesperson.
Ngumiti lang ito sa akin, si Aira ang pinakatahimik sa kanilang apat mukhang ayaw rin niyang magsabi ng nalalaman niya.
Humarap ako kay Faye na kakaupo lang sa stone table dahil nagpunta pang canteen para bumili ng inumin.
"Wala ako sa lugar para mag-kwento pero kuya Nigel, balak na din yata ni Ailyn mag-quit sa Sirmata tsaka naghahanap na din siya ng lilipatang dorm. Nagtatanong na nga si tita sa akin kung bakit daw biglang lilipat na siya ng dorm. Akala pa nag-aaway kaming apat." si Faye na mukhang bothered din sa mga desisyon ni Ailyn.
"Faye." May bantang tawag ni Aira sa kanya.
"He needs to know kasi siya naman ang reason kung bakit nangyayari 'to kay Ailyn ngayon. Lagi pa siyang inaasar ng mga kaklase namin. Alam mo namang ayaw na ayaw 'nun ng too much attention." Mukhang galit na rin si Faye sa akin.
"I have the purest intention towards her. Gusto ko lang naman na malaman niya na gusto ko pa rin siya hanggang ngayon."
"Uuwi siya mamaya dito sa dorm kuya, tutulungan ka namin para makausap siya. Yayain na lang namin siyang mag-dinner. Sa Mangga na lang tayo magkita bandang 7:30. Mauna kayo para hindi halatang napag-usapan natin kasi nag-promise kami sa kanya not to open up anything pero kailangan mo din namang malaman." Sabi ni Ace na nakangiti sa akin.
"Kailangan na naming palayagin ang aming ship kaya gagawa kami ng paraan para makapag-usap kayo ng maayos." si Faye naman ngayon na nag-thumbs up pa sa akin.
Umiling lang si Aira, "I'll help too pero don't fuck this up kuya Nigel at ikaw kuya Justin huwag ka muna makisawsaw kapag nag-usap sila."
"Yes, madame." sabay pa naming sagot kay Aira.
Hindi ako mapakali, kinakabahan ako dahil hindi ko alam kung saan hahantong ang pag-uusap naming 'to o baka hindi niya ako kausapin. To ease my nervousness, tumambay na lang muna ako sa terrace sa second floor ng building namin. Dumating nga siya ng dorm hinatid siya, naka-motor sila 'nung lalaki. Tinapik niya lang 'yung lalaki at ngumiti sa kanya. Pinanood niya pang makaalis ito bago nagpunta sa logbook area. May motor din naman ako pwede ko siyang ihatid at sundo kung gusto niya. Fuck, I never felt this insecure.
Pumasok na lang ako ng dorm para makapag-isip ng maayos kung anong sasabihin ko sa kanya.
"Huwag ka daw magselos sa nag-hatid kay Ailyn, groupmate niya lang daw sa BOI nila 'yun." Si Justin na kagagaling lang din sa labas.
"What the the fuck is BOI?"
"Anong alam ko 'yun lang naman sinabi sa akin ni Faye."
"At bakit magkasama kayo ni Faye ha? Ay, iba ka talaga."
"Tanga, nagpatulong lang silang magpabuhat 'nung tubig nila. Kasama din namin si Ace at Aira, issue kang hayop ka e. Sana hindi ka pansinin ni Ailyn."
"Galet na galet, usto manaket?" asar ko kay Justin dahil bigla na lang siya nag-burst out.
"Oo gusto na kitang saktan kasi pati ako pinagseselosan mo, tanga ka." Sagot niya sa akin na ikinagulat ko, "Tama nga si Ailyn kailangan mong ayusin ang buhay mo."
Hindi ako pinapansin ni Justin pero sinamahan pa rin niya ako sa pagpunta namin sa Mangga para sa plano namin nila Faye. Nauna nga kami doon gaya ng usapan dahil marami ngayon kumakain doon ni-reserve na ni Justin ang medyo mahaba na table doon na kasya ang anim na tao. Palagi silang maingay na apat kaya alam mo na sila ang padating kahit hindi ka lumilingon. Lumapit siya sa table nila John.
"May nakaupo dyan?" turo niya sa tabi John.
"Wala. Na-miss kita a, tagal mong nawala." Sagot niya.
"Ailyn, anong sayo?" tanong ni Faye.
"Budget meal. Dinakdakan tsaka yung adobong sitaw." Umupo na ito sa tabi ni John.
Dinala nila Faye ang pagkain sa table namin.
"Uh, Ailyn dito na tayo, hindi tayo kasya dyan." Hesitant siyang lumapit pero wala naman siyang choice. Sa tabi ko na lang ang bakante kaya wala ulit siyang choice kundi umupo sa tabi ko.
"Uh, kamusta?" awkward kong tanong ko sa kanya.
Nag-angat siya ng tingin sa akin pero hindi siya sumagot, "Can we talk? Pagkatapos nating kumain."
"Please."
Nag-angat ulit siya ng tingin sa akin at sumagot na, "K."
Pagkatapos naming kumain bumalik na kami ng dorm. Inaya ko na lang siya na sa lobby na lang kami mag-usap dahil walang masyadong tao ngayon doon kasi for sure nag-uwian sila kasi weekends naman.
"Ailyn, una na kami sa room." Paalam ni Faye sa kanya.
Tinapik lang siya ni Justin pero hindi pa rin ako pinapansin. Tinitigan ko muna siya, tinatantya kong magsasalita ba siya o hindi. Pero si Ailyn 'to, hindi unang magsasalita 'yan.
"Kumusta?" tanong ko sa kanya
"Okay naman."
"Lilipat ka daw ng dorm. Bakit?"
"None of your business, 'yan ba ang pag-uusapan natin? You're wasting our time."
I sighed, "Hindi, can you hear me first?"
"Ano bang pag-uusapan natin?" yamot niyang tanong.
"Wala ba talaga akong chance?" diretsong tanong ko sa kanya.
"Hindi ko alam, gusto ko i-try pero parang hindi ko din kayang panindigan kung bibigyan kita ng chance. Ayaw kong masaktan ka dahil sa akin, ayaw kong masira 'yung friendship natin. I don't want to sacrifice it. Kayo ni kuya Justin ang naging answered prayer ko to have older siblings. Ayaw kong magkakaroon ng reason na masira ang friendship natin dahil sa nararamdaman natin."
"Give me a chance, if this fails then we will still be friends. I won't be a distraction, I promise. Bigyan mo lang ako ng chance to prove that my intentions are pure."
"Let's give it a try, please."
"Why don't you just give it to other girls? Bakit ako pa?"
"Kasi ikaw ang gusto ko. Ayaw kong paglaruan ang feelings ng iba dahil lang ayaw ako ng gusto ko."
"Sinabi ko bang ayaw kita?" taas kilay na tanong niya.
"Sinasabi mo bang gusto mo ako?" nakangiti na ngayong tanong ko sa kanya pabalik.
"Wala akong sinabi."
Pinipigilan kong ngumiti baka mas mairita siya sa akin, "Okay, chill. Bat ba ang defensive mo?"
She rolled her eyes, "Tapos na ba tayong mag-usap? Babalik na ako sa building namin."
"Indirect yes ba sagot mo?"
"Whatever makes you sleep at night, kuya Nigel."
Nakangiti na niyang sagot ngayon. Tumayo na siya at naglakad na palabas ng building pero lumingon pa siya sa akin.
"Makipagbati kana kay kuya Justin, the least thing you can do para makabawi ka hiyang naramdaman ko dahil sa ginawa mo."
สถานะพลังงานรายสัปดาห์
-- การจัดอันดับด้วยพลัง 
-- หินพลัง