บท 96: THE 89TH MONTHSARY
Sa halip na sa elevator magpunta si Flora Amor, sa mismong opisina ni Dixal siya dumeretso.
Tulad ng dati, hindi pa man siya kumakatok ay kusa nang bumukas ang pinto niyon, bagay na ikinapagtataka niya at 'di niya tinantanan ng tingin ang pinto kahit nang makapasok na siya at sumara 'yon.
'Bakit sa iba, kumakatok muna sila bago bumukas ang pinto, sa'kin automatic door siya?'
Nalilitong hinanap niya sa loob ng opisina si Dixal ngunit wala do'n ang lalaki kaya dumiretso siya sa kusina, baka naro'n ito o di kaya sa secret room.
Pagkapasok sa kusina'y nagtaka na uli siya nang makitang nakabukas ang pinto ng kwarto nito.
Bakit hinayaan yata nitong nakabukas ang pinto ng silid.
"Dixal!" tawag niya habang papalapit sa nakabukas na kwarto subalit napahinto rin sa mismong bukana nang mapansin ang dim lights sa loob na nagmumula sa mga nakasinding kandilang may iba't ibang hugis at kulay na nakalagay sa magkabilang gilid ng mahabang carpet mula sa pintuan hanggang sa kama at sa buong sahig ay nakakalat ang red petals ng mga rosas.
Para tuloy siyang naglalakad sa aisle nang mga sandaling 'yon habang humahagikhik sa pagkamangha sa nakikita.
Pinasadahan niya ng tingin ang buong paligid. Sa malapit sa kama'y may nakalagay na round table at pinatungan ng vinyl lace crochet tablecloth na puti at may design ng bulaklak sa gitna.
Nakalagay do'n ang limang putahe, isang garlic butter shrimp, ang pabirito niyang sticky honey garlic butter shrimp, seafood stew, lemon pappardelle with shrimps, cheesy chicken parmesan at italian stuffed pork chops.
Merun ding heart-shaped black forest red ribbon sa gitna, tatlong mahahabang kandila sa tabi no'n, dalawang plato, baso, wine glass kutsara't tinidor at knives na halatang pinaghandaang ayusin at ang dalawang boteng Maria Clara.
Napansin niya rin ang dalawang upuang nilagyan pa ng design ang dalawang maliliit na cushions na nakapatong sa bawat isa niyon.
Wala sa sariling naitakip niya sa bibig ang dalawang palad kasabay ang isang "Woww!"
saka siya muling napahagikhik.
"You like it?" mula sa likuran ay tanong ni Dixal.
'Di pa man siya nakakalingon rito'y agad na itong yumakap sa likuran niya at ipinulupot ang mga kamay sa kanyang beywang.
"Ang ganda! Bakit bigla mong naisip to?" humahagikhik niyang sambit habang ang isang palad ay nakahimas sa pisngi nito.
Hinalikan muna siya sa likod ng tenga bago sumagot.
"It's our 89th monthsary, sweetie," anas nito sa kanyang tenga.
Nanindig agad ang kanyang balahibo sa ginawa nito at sa halip na muling humagikhik sa kilig ay napasinghap siya lalo na nang humigpit ang yakap nito sa kanyang beywang.
"Ambango mo pa rin kahit dumaan na ang maghapon," usal nito nang halikan ang kanyang batok.
"D-ixal---" napapitlag siya, hindi niya kayang balewalain ang kiliting hatid ng halik nito sa kanya lalo na nang maramdamang kumawala ang mga kamay nito sa kanyang beywang at pumisil sa magkabila niyang braso.
Pakiramdam niya, unti-unti nitong sinisindihan ang kanyang katawan sa mga simpleng gestures na ginagawa nito sa kanya, unti-unting binubuhay ang kanyang dugo, unti-unting pinapadaloy 'yong mga mumunting boltahe ng kuryente sa bawat himaymay ng kanyang kalamnan at huli na bago niya naramdamang nalantad na pala sa asawa ang makinis niyang balikat. Naibaba na pala nito ang kanyang blouse habang ang bibig nito ay nanatiling nakalapat sa kanyang tenga.
"Sweetie," anas na uli.
"H-mmm--?" halatang nag-i stammer siya. Pano bang hindi, hininga pa lang nito, nakakakiliti na. Hindi tuloy niya alam kung alin ang pipigilan sa lalaki, ang mga kamay nitong patuloy na nagtatanggal sa kanyang damit o ang bibig nitong paulit-ulit na umuusal sa kanyang tenga at nagdudulot ng libo-libong boltaheng kiliti sa kanyang katawan.
"Can I change your clothes to this occasion?" tanong nito.
Napakagat-labi siya ngunit nagawa pa ring magpakawala ng isang hagikhik matapos ang isang malalim na paghinga.
"Sira, ngayon ka pa nagpaalam eh halos hubaran mo na nga ako sa ginagawa mo," sagot niya kunwa'y umirap dito.
Saka lang nito inilayo ang mukha sa tenga niya at isang mahinang tawa ang isinagot.
Nang malaglag na lahat ng kanyang suot na 'di niya alam kung paanong nagawa nito nang gano'n lang kadali ay saka lang lumayo sa kanya at dinampot sa ibabaw ng kama ang black silk lace nighties at lace ding undies na katerno ng damit. Nagmamadali itong bumalik para isuot ang mga 'yon sa kanya.
"Wow! Perfect!" 'Di nito mapigilang humanga sa magandang hubog ng kanyang katawan, o mas tamang sabihing sa halos hubad na niyang katawan sa suot na 'yon ngunit sa halip na maasiwa ay 'di niya mapigilang kiligin nang sobra sa nakikitang paghanga sa mga mata nito para sa kanya.
Tila isa itong gentleman na dahan-dahang hinawakan ang kanyang kamay, iginiya siya sa dining table at hinila ang isang upuan para sa kanya.
Napapangiti siyang naupo doon.
Ito nama'y inukupa ang katapat na upuan paharap sa kanya.
"Tikman mo ang mga luto ko," saad nitong 'di inaalis ang malalagkit na titig.
Tumango siya't isa-isang tinikman ang nakalapag sa mesa.
Sa mukha pa lang niya at sa namimilog na mga mata'y halata nang masasarap ang mga niluto ng lalaki.
"Wow sasarap ayy!" sagot niya.
Saka lang ito nagsimulang kumain.
Sa takot na maubos ay kinuha niya sa kinalalagyan ang paboritong ulam at itinabi niya sa kanyang plato.
"Akin lang 'to ha, 'wag kang kukuha." pagdadamot niya ngunit tila wala itong narinig at tinusok ng kutsara ang isang pirasong hipon.
"Naman eee! Dapat kasi isang kilo ang niluto mo," aburido niyang sambit sabay irap ditong patay-malisya lang habang kumakain.
"Damot mo. Ngayon pa nga lang ako nakakain uli niyan," reklamo nito sabay subo ng kinuha nito at akmang tutusok uli ng isa pa nang tapikin niya ang kamay nito.
"Sabi nang akin 'to eh! Alam mo namang matakaw ako sa hipon, 'di mo pa dinamihan ang luto mo," angal niya.
"Hindi mo naman mauubos 'yan, Amor." Ayaw nitong magpatalo.
"Hayy naku Dixal, kahit ubusin mo lahat ng ibang putahe d'yan, 'wag lang 'tong garlic butter shrimp," an'ya't inilagay na lahat sa pinggan ang laman ng mangkok na pinaglagyan ng ulam.
Pigil ang ngiting pinakawalan ng lalaki at nagkasya na lang ubusin ang Italian stuffed pork chops habang siya'y panay lang nguya habang inuubos ang nasa pinggan.
Maya-maya'y tila natuyo ang kanyang lalamunan pero sa halip na tubig ay 'yong Maria Clara ang kanyang binuksan at nagsalin ng isang baso sa kanyang wine glass saka niya 'yon tinungga.
"Hey, easy. Malalasing ka na naman agad niyan," saway ni Dixal.
Sumenyas lang siya habang inuubos ang laman ng baso.
"Don't worry, hindi ako madaling malasing," sagot niya nang mailapag na ang baso.
"Noong birthday nga ng asawa ni kuya Ricky, nakailang baso ako ng emperador, 'di naman ako basta nalasing," bida na naman niya at muling nilantakan ang ulam na nasa plato.
Muntik nang mabilaukan ang lalaki sa narinig at nagmamadali ring nagsalin ng Maria Clara, tinungga 'yon pagkuwa'y mahinang tumawa.
"Hindi ka nalasing eh panay na hagikhik mo ilang minuto lang pagkatapos," pabulong nitong sambit.
Awang ang mga labing napatitig siya sa lalaki.
"Pa'no mong nalaman?" takang tanong niya.
Isang malakas na tawa lang ang isinagot nito.
Namumula ang pisnging itinuloy niya ang pagkain.
Pa'no nitong nalamang nalasing siya agad pagkatungga niya sa isang basong emperador lite? Ibig sabihin pinuntahan siya nito sa kanila at nakamasid ito habang umiinom siya?
Kaya pala iba ang pakiramdam niya no'ng time na 'yon.
Panakaw niya itong sinulyapan ngunit biglang namula ang pisngi niya nang makitang nakatitig pala ang lalaki sa kanya, para siyang dalagitang nag-blush nang mahuli ng crush na napasulyap dito.
Nakakahiya. Sama talaga ng epekto ng Maria Clara sa kanya ngayon.
"Parang ang pangit ng lasa ng Maria Clara ngayon," paninisi niya sa wine sabay sulyap na lang din dito uli.
Nakakaloko itong ngumisi habang 'di inaalis ang malagkit na titig sa kanya.
"Amor, Happy monthsary," usal nito.
Tumigil siya sa pagnguya at tumitig sa lalaki.
"Happy monthsary too, sweetie," sagot niyang nakangiti ngunit iniiwas din agad ang tingin, ang black forest naman ang tinikman, subalit 'di pa niya nauubos ang laman ng kutsara nang agad itong tumayo at lumapit sa kanya saka hinawakan ang kanyang kamay, itinayo siya.
"Why?" maang niyang tanong.
Isang malalim na paghinga ang isinagot nito, dahan-dahang dinala ang kanyang kamay sa leeg nito para ipulupot doon.
"Let's dance, sweetie. Gusto kong maranasang sumayaw kasama ka," sagot nito't kinabig bigla ang kanyang beywang at nagsimulang sumayaw sa saliw ng tugtuging ito lang ata ang nakakarinig ngunit nakapagtatakang nagawa niyang sumabay sa mga paa nito hanggang sa maya-maya'y mapako na ang paningin nila sa isa't isa habang sumasayaw sa musikang sila lang dalawa ang nakakarinig.
Inihilig niya ang ulo sa dibdib nito.
Kaysarap ng gan'to, nakayakap siya kay Dixal habang kitang kita sa mga mata nito ang walang kapantay na pagmamahal sa kanya.
"Dixal..." usal niya.
"Yes, sweetie?"
Nag-angat siya ng mukha, binigyan ito ng smack kiss.
"I love you, I really do," usal niya.
Magkahalong pagnanasa at pagmamahal ang mababanaag sa mga mata nito habang awang ang mga labing nakatitig sa kanya.
"Oh, sweetie. How I longed for those words to come out from your lips," anito pagkuwan at bigla itong yumukod para siilin siya ng halik sa mga labi.
สถานะพลังงานรายสัปดาห์
-- การจัดอันดับด้วยพลัง 
-- หินพลัง