บท 736: Desisyon (1)
บรรณาธิการ: LiberReverieGroup
"Hello, si Miss Qiao Anhao ba 'to?" nagmamadaling tanong ng babae mula sa
kanilang linya.
Bukod sa hindi niya kilala ang number, hindi rin pamilyar sakanya ang boses ng
babae kaya hindi niya maintindihan kung paano nito nakuha ang contact details
niya kaya medyo nagaalangan siyang sumagot, "Uh huh, ako nga. Pwede ko
bang malaman kung sino 'to…"
Pero habang nasa kalagitnaan siya ng sinasabi niya ay muli nanaman itong
nagsalita, "Miss Qiao, reporter ako galing sa HF. Tumawag lang sayo ngayon
para interviewhin ka ng sandali…."
Halatang beterano ang reporter at alam nitong pwede siyang tumanggi kaya
hindi niya pa man din napoproseso ang mga sinabi nito ay nagtanong na nito,
"Totoo ba na dati mong asawa ang CEO ng Xu Enterprise na si Xu Jiamu?"
Sa pagkakataong ito, biglang natigilan si Qiao Anhao dahil hindi niya alam
kung tama ba ang narinig niya.
Imposible… Iilan lang ang nakakaalam na ikinasal sila ng pangalan ni Xu
Jiamu noon kaya paano naman ito malalaman ng reporter?
Hindi niya man maintindihan kung anong nangyayari pero malinaw sakanya
na hindi siya pwedeng magbitaw ng kahit anong salita dahil pwede itong
gamitin laban sakanya kaya nanatili siyang kaya hinayaan niya lang ang
reporter na magpatuloy, "Miss Qiao Anhao, bakit ba kayo nagdivorce ni Mr.
Xu Jiamu? Totoo bang dahil ito kay Lu Jinnian? Anong masasabi mo sa
kumakalat na balita na kayo na raw ni Lu Jinnian habang magasawa pa kayo
ni Xu Jiamu? Totoo ba ang tsismis na tinuhog mo ang magkapatid? Miss Qiao
Anhao, bakit hindi ka nagsasalita? Ang ibig bang sabihin ng katahimikan mo
ay sumasangayon ka?"
Habang patagal ng patagal, lalong kumukulit at nangiipit ang reporter.
Ito ang unang pagkakataon na ginipit siya ng sobra ng kausap niya pero hindi
siya pwedeng magpahalatang natatakot dahil pwede siyang akusahan nitong
"guilty" kaya pinilit niyang kumalma at nagmamadaling sumagot sa reporter,
"Pasensya ka na, hindi kasi ako nagpapainterview."
At pagkatapos na pagkatapos niyang magsalita, nagmamadali niyang pinutol
ang linya para hindi na ito makapagtanong pa ulit.
Dahil sa tumambad na balita, nakalimutan na niya na tatawagan niya si Lu
Jinnian at nagmamadali siyang tumakbo papunta sa computer para silipin ang
kanyang Weibo at kagaya nga inaasahan niya, nasa headlines nanaman siya.
Pinindot niya ang link at nakita niya ang picture nila ni Lu Jinnian, na
nagpapanggap pa noon na Xu Jiamu, sa isang maliit na kasalan. May picture
rin na nakayakap siya sa braso nito, at ang iba ay puro sa reception na.
At sa bandang ibaba, may mga lumabas din na ilang picture nila ni Lu Jinnian
noong minsan silang nagdinner ng magkasama. Ito yung picture na
sinusubuan niya ito ng hipon habang abala itong nakikipagusap sa phone.
Tandang tanda niya…ilang araw palang simula noong nagising si Xu Jiamu
galing sa pagiging comatose nang makunan ang mga picture na ito ng isang
taong hindi malinaw sakanya kung sino. Noong mga panahon na 'yun,
napagusapan na nila ng best friend niya ang tungkol sa divorce pero bago pa
man din yun mangyari, biglang lumabas ang mga ito kaya galit na galit na
sumugod si Han Ruchu sa bahay nila.
Ang pinaka huling picture ay isang relationship chart kung saan ipinapakitang
magkapatid sa ama sina Lu Jinnian at Xu Jiamu… Nakalagay din dito na ang
una niyang asawa ay si Xu Jiamu at ngayon naman ay si Lu Jinnian.
Kapansin pansin na mayroong note sa ilalim na nagsasabing sila na ni Lu
Jinnian habang magasawa pa sila ni Xu Jiamu.
Hindi niya maintindihan kung anong nangyayari at sinusubukan niya palang
iproseso sa isip niya ang mga narinig at nakita niya nang bigla namang
tumunog ang doorbell sa baba.
Nagmamadali niyang binitawan ang mouse at tumakbo pababa. Sa tuwing
may nagdodoorbell at siya ang ngbubukas ng pintuan, nakasanayan niya ng
sumilip muna sa surveillance camera at laking gulat niya na punong puno na
ang bakuran nila ng mga reporters. Hindi niya alam kung kailan dumating ang
mga ito pero may dala itong mga kanya-kanyang camera at microphone.
Walang tigil ang pagilaw ng mga flash sa kakapicture ng mga ito sa bahay
nila at mayroon pang iba na naka'live at sabihing nasa tapat na sila ngayon
ng bahay ni Lu Jinnian.
ของขวัญ
-- ได้รับของขวัญแล้ว สถานะพลังงานรายสัปดาห์
-- การจัดอันดับด้วยพลัง 
-- หินพลัง