บท 755: Isang Pambihirang Baguhan

Lu Hanwen...

Ilang mga impormasyon lamang ang nalalaman ng buong mundo tungkol sa batang ito. Walang kahit na sino sa kanila ang may nalalaman tungkol sa tunay niyang lakas.

Sa kabilang dulo naman, si Ye Xiu at ang iba pang mga manlalaro ng Happy ay mga ilang beses na ring nasilayan ang lakas ng binatang ito. Pero dahil palagian naman siyang natatalo sa mga labanang nagaganap sa pagitan nilang lahat ay hindi nila ininda si Lu Hanwen.

Tanging si Ye Xiu lamang ang napahanga sa lakas ni Lu Hanwen. Matapos niyang makita ang balitang pinaalam ng Team Blue Rain sa mundo ay hindi niya mapigilang magkomento: "Magugulat ang buong mundo dahil sa batang ito."

"Bakit naman? Dahil sa walong anino ng Shadow Steps niya?" Napatawa si Chen Guo. Matapos makasama ng matagal-tagal si Ye Xiu ay nagkaroon na ng ideya si Chen Guo sa kung papaano gumagana ang Pro-Scene.