บท 754: Ang Importanteng “Paglipat” ng Team Blue Rain

Naging mabilis ang paglipas ng isang linggo. Nagsama-sama sina Zhang Xinjie, at Lin Jingyan para matulungan ang Tyrannical Ambition sa kanilang hangarin na makuha ang mga wild BOSS.

Walang nagawa ang ibang mga guild kundi ang mainggit dahil mayroong mga propesyonal na manlalaro ang Tyrannical Ambition na handang tumulong sa kanila sa mga ganitong klase ng labanan, pero gayunpaman. Naiintindihan nilang lahat na ganito na ang kanilang sitwasyon.

Dahil dito ay hinanda na lamang nila ang kanilang sarili, para harapin ang mga kalaban sa isang malaking labanan. Kahit na hindi nila makuha ang BOSS, ay kailangan pa rin nilang gawin ang lahat nilang makakaya!

Pero tungkol naman sa ibang mga malalaking guild na sinusuportahan ng mga Club. Hindi naman sa wala talagang propesyonal na manlalarong ipinadala para tumulong sa kanila. Isa na rito si Lu Hanwen ng Blue Brook Guild na napupuno pa rin ng hindi maubos-ubos na enerhiya.