บท 38: Howling Tiger Fist? Collapsing Fist?
บรรณาธิการ: LiberReverieGroup
Matapos dumating sa main clan ay saka lamang naintindihan ni Duan Ling Tian kung gaano kaliit ang branch family ng Fresh Breeze Town.
Sa branch family, kapag binibilang lahat ng disipulo na may apelyido ng Li at disipulo na may ibang apelyido, ang kabuuang bilang ng tao ay nasa dalawang daan.
Ang mga mapagkukunan na kanilang kinokontrol ay isa sa tatlo lamang na laman ng pamilihan ng Fresh Breeze Town. Kahit ang mahirap na minahan ng bakal sa labas ng bayan ay pinaghahatian pa ng ibang dalawang pamilya.
Sa kabilang banda, ang main clan ng Li Family ay isang napakalaking clan na mayroong libo-libong miyembro!
Bukod pa doon, maraming kontroladong mga bilihan ang clan sa mga mataong lugar ng Aurora City, malaking pagmamay-ari na lupa, at iba't ibang kuhaan ng mga yamang lupa.
Ang pinagkaiba ng dalawa ay parang langit at lupa!
Gamit ang kanya at kay Ke Er na ikawalong antas ng cultivation ng Body Tempering, ay nagawa nila na maging mas mataas kaysa sa ibang miyembro ng Li Family branch ng Fresh Breeze Town.
Ngunit sa main clan, ang kanilang mga nakamtan ay hindi manlang bihira.
Sa main clan ng Li Family, kahit ang pagtagumpay sa ikawalong antas ng Body Tempering sa edad na labing anim ay bihira, mayroon paring iilan na kaya itong makamit; mayroon din iba na nasa ika-siyam na antas na sa edad na labing pito.
"Para talaga sa kanila ang makasali sa Main Clan; sila'y mayaman at may kakaibang hangin na kanilang taglay.
Napabuntong-hininga si Duan Ling Tian.
Ang mga disipulo ng main clan ay hindi nauubusan ng Body Tempering Pills at mga pills na katulad ng Thunder Flame Pill.
Sa Li branch family, kaunting tao lamang ang kayang magkaroon ng Body Tempering Pills.
Ngunit sa main clan, hangga't ang mga magulang ay hindi mga tamad na tao, makakapagbigay sila ng walang humpay sa kanilang mga anak ng Body Tempering Pills at Thunder Flame Pill.
Bilang main clan, ang Li Family ng Aurora City ay inookupahan ang isang malawak na lugar, halos kalahati ng laki ng Fresh Breeze Town.
Ang mga disipulo ng Li Family ng Aurora City ay pinaghiwalay sa inner court disciples at outer court disciples.
Ang bawat grupo ay binibigyan ng iba't ibang pagtrato.
Ang mga taong tulad ni Duan Ling Tian at Ke Er, na bagong dating sa main clan ng Li Family, ay magiging mga outer court disciples, na makatatanggap ng tatlumpung pilak na barya kada buwan.
"Ang dalawa sa inyo ay mas mabuti kesa sa'kin. Sa Fresh Breeze Town, ako ay nakatatanggap ng hindi hihigit sa dalawampung pilak na barya bilang aking buwanang kabayaran."
Nang ayusin ni Li Rou ang courtyard na ng main clan kay Duan Ling Tian at Ke Er, siya ay napabuntong-hininga.
"Ina, ang tatlumpung pilak na barya na ito ay hindi madaling makuha; ang mga disipulo ng family branch ay dapat maging mga inner court disciples sa edad na labinsiyam, o kung hindi, ipapadala sila pabalik sa family branch."
Umiling si Duan Ling Tian at ngumiti.
Pagtapos nito, sinimulan niya ang pag-aayos ng loob at labas ng courtyard, at siya ay lubos na nasiyahan.
Ang courtyard na inilalaan sa kanila ay bahagyang mas malaki kaysa sa iba pang mga maliit na courtyard dahil dalawa silang nakatira nang magkasama, at sa gayon ay may tatlong mga kuwarto.
Kadalasan, ang mga maliit na courtyard na inilalaan sa mga disipulo ng branch family ay maglalaman lamang ng dalawang silid.
"Young Master, tiyak magiging isa kang inner court disciple," tiwalang sinabi ng dalagita na tinutulungan si Li Rou kay Duan Ling Tian.
"Ke Er, dapat mong sabihing 'dalawa tayo.'"
Si Duan Ling Tian ay ngumiti, siguradong sigurado.
"Tian, sa main clan ay dapat kang maging mas masipag. Sa pagpunta dito, napansin ng iyong ina na maraming mga disipulo ng main clan ang nakatingin kay Ke Er, kung hindi ka magsisikap, maaaring maagaw siya ng iba."
Pang-aasar ni Li Rou kay Duan Ling Tian.
Bago makapagsalita si Duan Ling Tian, ang dalagita ay naunang mabalisa. "Madam, hindi iyon mangyayari."
Si Duan Ling Tian ay masiyang tumingin sa kanyang ina. Iniling ng kanyang ina ang kanyang ulo at napabuntong-hininga. "Nagtataka pa rin ako kung anong love potion ibinigay mo kay Ke Er."
Dahil tatlo silang nagtatrabaho nang magkasama, ang courtyard at mga kuwarto ay mabilis na naayos.
"Ina, magpahinga ka, dadalhin ko si Ke Er upang maglakad-lakad sa paligid."
Matapos magpaalam kay Li Rou, dinala ni Duan Ling Tian ang dalagita at iniwan ang courtyard.
Hindi nila namalayan na sila ay nakarating na sa outer court martial arts practice field ng main clan.
Sa martial arts practice field, maraming mga outer court disciples ang masigasig na pinalakas ang kanilang martial arts; ang ilan sa kanila ay ginagamit ang kanilang mga kamao, ang ilan naman ay ginagamit ang kanilang palad, at ang ilan ay gumagamit ng espada...
Ang pagpasok ng pares ay agad na nakakuha ng pansin ng maraming mga mata.
Mas marami ang nakatitig sa dalagita.
Ang mahaba, at itim na itim niyang buhok ay nakatali na parang isang tinapay at ang kanyang eleganteng mukha ay tulad ng isang namumulaklak na lotus na nagpapalabas ng isang nakakaakit, maliwanag, pula na liwanag, pihikan at kaakit-akit.
May willow na hugis na kilay, hugis aprikot na mga mata, pinong ilong, mga mapupulang labi; pinagsama at bubuo ng isang walang palyang kagandahan.
Ang kanyang bahagya ang laki na dibdib ay tulad ng isang namumukong bulaklak, na parang dudugo ito sa anumang sandali.
Ang kanyang payat at pihikan na baywang na maaaring yakapin gamit ang isang kamay lamang, mataas at bilog na pigi, payat at mahahaba na magagandang binti, ang naging dahilan na magmukha siyang mas payat at kaaya-aya, na nagdudulot ng pagkaakit ng lahat.
"Kailan pa nagkaroon ang aming outer court ng isang magandang dalagita?"
Sa kabilang dulo ng martial arts practice field, sa isang grupo ng mga bata ang nagtipon upang magyabang sa isa't isa, mga laway ay lumilipad galing sa bibig ng isang bata. Ang kanyang mga mata ay biglang nagningning habang ang kanyang tingin ay napunta sa dalagita, hindi makagalaw ng kahit isang pulgada.
"Marahil ay kararating lamang mula sa family branch."
Hula ng isang bata.
"Siya ay masyadong maganda, hindi siya kayang tapatan ni Li Shi Shi kahit konti."
Ang mga mata ng isa pang bata ay lumiwanag habang laway ay lumabas sa sulok ng kanyang bibig.
Kalahating taon na ang nakalilipas, si Li Shi Shi ay isang disipulo ng branch family na dumating sa main branch ng Aurora City. Kinikilala siya sa publiko bilang isang kagandahan na outer court disciple.
"Halika, kaibiganin na'tin."
Ang nakakulay berdeng damit na bata ay mabilis na lumakad palapit.
"Li Xiao, sa tingin ko siya ay may kasintahan na," sabi ng bata na sumusunod sa kanya.
Si Li Xiao ay naiinis na sinabi, "Bagong mukha rin siya. Siya ay marahil mula sa parehong branch family tulad ng babae. Hindi naman kayo siguro mga duwag na takot kahit sa isang disipulo ng branch family, tama ba?"
"Siyempre hindi kami takot!"
Ang grupo ng mga bata ay mabilis na sumunod sa likod ni Li Xiao at lumakad palapit.
Si Duan Ling Tian at Ke Er ay dikit-balikat na naglalakad nang dumaan sila sa martial arts practice field.
Ang grupo ng mga bata ay naglalakad palapit na biglang naging sanhi ng pagkunot ng noo ni Duan Ling Tian, ngunit hindi niya pinansin ang mga ito at patuloy na naglakad.
Ang nakaberdeng damit na bata sa harap ay lumakad ng malalaking hakbang at hinarangan ang harap ni Duan Ling Tian at Ke Er.
"May problema ba tayo?"
Si Duan Ling Tian ay seryosong tiningnan ang nakaberdeng bata, ang kanyang tinig malamig at seryoso.
Gayunpaman, hindi pinansin ng nakaberdeng bata si Duan Ling Tian.
Tumingin si Li Xiao patungo sa dalagita na may mukha na puno ng ngiti. "Ikaw siguro ang disipulo ng branch family na kakarating lang sa main clan, tama? Ako si Li Xiao, isang disipulo ng main clan."
Nang matapos siyang magsalita, ang ekspresyon ni Li Xiao ay puno ng pagmamataas.
Sa ilalim ng namamanghang tingin ni Li Xiao at ng mga bata na sumusunod sa kanya, binalewala sila ng dalagita at sa halip ay tumingin sa bata sa kaniyang tabi. "Young Master, umalis na tayo."
"Sige."
Si Duan Ling Tian ay bahagyang ngumiti at tumango, naghanda upang maglakad paikot sa grupo ng mga tao.
"Tigil!"
Hindi magawa ni Li Xao na manatiling kalmado dahil siya ay napahiya. Habang tinitingnan ang dalagita, sabi niya, "Ako ay disipulo ng main clan; hindi mo ba talaga ako mabibigyan ng kahit anumang pansin?"
Ang mga mata ni Duan Ling Tian ay naglabas ng malamig na liwanag habang sinasabi niya, sa malamig at seryosong tono, "Ang pansin ay hindi isang bagay na nakuha mo sa pamamagitan ng pag-asa sa iba upang ibigay ito sa iyo; ito ay isang laban para sa iyong sarili... Kung wala ka nang ibang gusto, umalis ka sa paningin ko!"
Alis sa paningin?
Si Li Xiao ay napipi. Akala niya ay mali ang kaniyang narinig. Tumingin siya pabalik sa isa sa mga bata. "Hindi ako nakarinig ng mali, tama ba? Sinabihan niya ako na umalis sa kaniyang paningin?"
Ang bata ay tumango. "Hindi ka nakarinig ng mali, sinabihan ka niya na umalis."
Lubhang nagalit si Li Xiao. "Bata, gusto kitang labanan!" Sigaw niya nang malakas.
Ang sigaw na iyon ay kaagad na nakuha ang pansin ng karamihan ng mga tao na nasa martial arts practice field. Ngayon mas maraming tao na ang nakapaligid sa kanila, tinitingnan ang pangyayari sa pagkaintriga.
"Paumanhin, ngunit hindi ako interesado."
Pagkatapos sumagot ng seryoso, kinuha ni Duan Ling Tian ang kamay ng dalagita at naghanda nang umalis.
Nang napansin ang mga kilos ni Duan Ling Tian, ang mga mata ni Li Xiao ay mukhang nag-aalab. "Hindi mo man lang kayang tanggapin ang aking hamon? Mukhang isa ka lamang duwag at hindi isang tunay na lalaki!"
Hindi mapigilan ng mga taong nakapaligid ang kanilang pagtawa habang nang-aasar na tinitingnan si Duan Ling Tian.
Ang mga mahihinang tao ay laging tinitignan nang mababa.
Ang hugis espada na mga kilay ni Duan Ling Tian ay napakunot, at sa wakas ay lumingon siya at nagsabi, "Kahit na alam kong sinusubukan mo lang akong akitin, dahil gusto mo naman akong hamunin, tatanggapin ko. Ke Er, babalik ako, sandali lang."
Matapos magpaalam sa dalagita, lumakad si Duan Ling Tian patungo kay Li Xiao at tumayo sa kaniyang harapan.
"Bata, kailangan ko lang ng tatlong galaw upang talunin ang mga disipulo ng branch family na katulad mo!"
Mukhang si Li Xiao ay bahagyang mas matanda kaysa kay Duan Ling Tian. Ang kanyang bahagyang malusog na katawan sumandal patalikod, ang kanyang mga braso ay bumaluktot patalikod, at ang kanyang mga kamao ay naghigpit, at ang kanyang mga buto ay naglabas ng pumutok na tunog habang sila'y nagkikiskisan. Ang tunog na ito ay malinaw at malambing ngunit masakit sa tainga sa parehong oras.
"Ito ay…"
Nang napansin ang kilos ni Li Xiao, bahagyang nagulat si Duan Ling Tian. Halos katulad nito ang pagsisimulang galaw ng Collapsing Fist.
Pagkaraan ng ilang sandali, ang mga binti ni Li Xiao ay bumuka sa isang kakaibang pustura. Siya ay nagmukhang isang mabangis na tigre na handa na upang umalulong at magsimulang manghuli.
Nagdala ito ng pamilyar na pakiramdam kay Duan Ling Tian.
"Ang martial skill na ito ay malayo mula sa isang bagay na maaaring ihambing sa middle grade Yellow Rank Martial skill, Fierce Tiger Fist."
Ang ekspresyon ni Duan Ling Tian ay bahagyang seryoso.
"Tingnan mo ang panimulang kilos ni Li Xiao. Mukha itong middle grade Profound Rank martial skill, ang Howling Tiger Fist!"
Ang isang nagulat na sigaw ay maririnig mula sa nakapalibot na tao.
"Oo nga, iyan nga ang Howling Tiger Fist."
Maraming tao ang nakilala na ang martial skill na gagamitin ni Li Xiao.
"Paano ito naging posible? Ang mga outer court disciples ay pinahihintulutan lamang na pumili ng mabababang Profound Rank Skills sa Martial Repository Pavilion. Paano kaya natutunan ni Li Xiao ang isang middle grade Profound Rank martial skill?!"
"Ang iyong nalalaman ay luma na. Sinong hindi nakakaalam na ang kapatid na lalaki ni Li Xiao, si Li Zhong, ay isang inner court disciple? Ayon sa mga panuntunan ng clan, ang mga magkapatid ay pinahihintulutan na ibahagi ang kanilang mga martial skills nang hindi nalalabag ang mga patakaran."
"Ganoon pala iyon. Mukhang naipasa ito ni Li Zhong sa kanya."
...
Nang marinig ang diskusyon ng karamihan, si Duan Ling Tian ay naliwanagan.
Ito pala ay isang Profound Rank Martial Art!
Heh!
Kumilos si Li Xiao. Ang kanyang katawan, na tila nakabaluktot sa isang yuko, ay sumulong. Ang kanyang mga paa ay mabilis na gumagalaw tulad ng isang kumikislap na anino na walang takdang pagkilos. Sa isang kisapmata, dumating siya sa harap ni Duan Ling Tian.
Ang kanyang kamao ay nag-aalab habang tumatagos ito sa hangin, tuluy-tuloy patungo sa dibdib ni Duan Ling Tian!
"Napakabilis!"
Napansin ni Duan Ling Tian na si Li Xiao ay nagsagawa ng movement technique. Matapos obserbahan ang kagulat-gulat na lakas ng kamao ni Li Xiao, hindi siya naglakas-loob na sobrahan ang tiwala sa kaniyang sarili at hindi maging maingat.
Gamit ang Spirit Serpent Movement Technique, siya ay humakbang ng dalawang beses patalikod.
Sa isang iglap, ibinato patalikod ni Duan Ling Tian ang kanyang mga braso, ang kanyang likuran ay parang hugis ng isang pana.
Ang kanyang kamao ay gumalaw na parang pagguho ng lupa!
Collapsing Fist!
Laban sa marahas na papalapit na Howling Tiger Fist ni Li Xiao, si Duan Ling Tian ay hindi natakot. Ibinato niya ang kaniyang kanang kamao upang banggain ang atake.
Bang!
Ang kanilang mga kamao ay marahas nagbanggaan! Pagkalipas ng isang sandali, lumilitaw ang isang mapang-asar na ngiti sa mga sulok ng bibig ni Duan Ling Tian habang ang puwersa ng kanyang kamao ay hinihigop ni Li Xiao.
Crack!
Ang malinaw na tunog ng nasisira na mga buto ay maririnig. Ang mukha ni Li Xiao ay nagulo. Siya napalitang napabalik ni Duan Ling Tian.
Ang sakit na kumalat mula sa kanyang mga buto sa daliri ay nagdulot sa malamig na pawis ni Li Xiao na dumaloy. Tumingin at may ekspresyon na hindi makapaniwala kay Duan Ling Tian, ang kanyang tinig ay nanginginig habang sinasabi niya, "Ikaw... Ang iyong Howling Tiger Fist ay iyong nacultivate hanggang at naging dalubhasa rito!"
Howling Tiger Fist!
Ang mga tao ay nag-ingay.
Sino ang taong ito at paano niya rin natutunan ang Howling Tiger Fist?
Bukod dito, sinabi ni Li Xiao na ang kanyang Howling Tiger Fist ay nacultivate hanggang pagiging dalubhasa. Paano ito naging posible?
Tungkol sa Profound Rank martial skill, ang pagcultivate ng mga ito sa paunang yugto ay madali, ngunit ang icultivate ito sa pagiging dalubhasa ay napakahirap.
Nang matapos ang bata, hindi niya man lang sinulyapan si Li Xiao; hinawakan niya ang kamay ng dalagita at lumabas sa karamihan ng tao.
Ang mga mata ni Li Xiao ay kumislap nang malamig habang tinitiis niya ang sakit at sumigaw, "Ano ang pangalan mo?"
"Ano, gusto mo bang maghiganti?" Ang bata ay lumingon at tiningnan si Li Xiao bago seryosong sinabi, "Ako'y isang disipulo ng branch family ng Fresh Breeze Town, ako si Duan Ling Tian!"
"Isang disipulo ng branch family at isang disipulo na may ibang apelyido?"
Ang mga tao ay nagulat.
"Duan Ling Tian, itatatak kita sa aking isipan. Sa sandaling maging dalubhasa ako sa Howling Tiger Fist, tiyak na darating ako at aalisin ang kahihiyan na ito!"
Ang tono ni Li Xiao ay parang bakal habang lumalala ang lamig sa kanyang mga mata.
บท 39: Bumpkin
บรรณาธิการ: LiberReverieGroup
Sa daan pauwi, nagsimulang mag-isip-isip si Duan Ling Tian.
Siya ay siguradong sigurado na ang Howling Tiger Fist na isinagawa ni Li Xiao ay 70% na katulad sa kanyang Collapsing Fist.
At ang paraan ng pagbuhos ng puwersa ay halos kapareho!
Bukod pa rito, nadarama niya na mas mabilis ang Howling Tiger Fist kaysa sa Collapsing Fist sa isang antas.
Kahit na ang antas ng cultivation ni Li Xiao ay pareho sa kanya, parehong nasa ika-walong antas ng Body Tempering stage, maliwanag na hindi nakuha ni Li Xiao ang kabuuran ng Howling Tiger Fist.
Kung hindi man, kahit na hindi pa rin niya matatalo si Duan Ling Tian, ngunit hindi siya matatalo ng ganoon kalabis.
Middle grade Profound Rank martial skill?
Hindi malinaw na napagtanto ni Duan Ling Tian na maaaring nagkamali siya sa ilang mga bagay.
Sa kanyang isip, ang mga alaala ng Rebirth Martial Emperor ay mabilis na nagpakita...
Si Duan Ling Tian ay mabilis na nagkaroon ng isang bagong pang-unawa ng malalim sa Profound Rank martial skills.
"Ganoon pala iyon. Ang profound rank kumpara sa yellow rank ay isang bagong uri ng pagbabagong-anyo... Ang lakas ng isang Yellow Rank martial skill ay katumbas ng Military Boxing sa aking nakaraang buhay. Sa kabilang banda, ang low grade profound rank martial skills ay maihahambing sa Form at Will Boxing. "
Si Duan Ling Tian ay naliwanagan.
Noong nakaraan, nang makita niya ang low grade at middle grade yellow rank skills ng martial pavilion ng Li branch Family na mahirap seryosohin, nagkaroon siya ng ugali na kahit gamit ang kanyang Form and Will Boxing ay sapat na at sa gayon ay tinanggihan niya ang lahat ng martial arts ng mundong ito.
Ngunit ngayon ay napagtanto niya na ang Form at Will Boxing ng kanyang nakaraang buhay ay katulad lamang sa low grade Profound Rank martial skills ng mundong ito.
"Mukhang kailangan ko nang simulan ang pagseseryoso sa mga martial skills ng mundong ito."
Ang puso ni Duan Ling Tian ay kumibot.
"Ang mga martial skills, sa ibabaw ng mga offensive martial skills at mga movement techniques, mayroon ding mga defense techniques."
Sa pamamagitan ng mga alaala ng Rebirth Martial Emperor, ang mga gustong ni Duan Ling Tian ay lumalawak nang lumalawak, at nakakuha siya ng kaalaman sa mga bagay na hindi niya alam noon.
"Ang Nine Forms ng War Sovereign Technique ng Nine Dragons ng War sovereign ay may tatlong palang Heaven Rank Martial Skills na pinagsama dito... offensive martial skill, Nine Dragons Radiant Flash, movement technique, Dragon Soaring The Nine Heavens; at defense martial skill, Nine Dragons Barrier!"
Huminga ng malalim si Duan Ling Tian. Nakakaramdam siya ng tuwa.
Ang Spirit Serpent Movement Technique sa War Sovereign's Nine Form's Spirit Serpent Form ay isang pangunahing bahagi ng Dragon Soaring The Nine Heavens martial skill, isang high grade Profound Rank movement technique.
"Kung yayapak ako sa Core Formation Stage, ay magagawa ko nang i-cultivate ang pangunahing bahagi ng Nine Dragons Radiant Flash, na high grade Profound Rank martial skill na tinatawag na Dragon's Finishing Touch!"
"Kung yayapak ako sa Core Formation Stage, ay magagawa ko na ring i-cultivate ang pangunahing bahagi ng Nine Dragons Barrier, na isang high grade Profound Rank martial skill na tinatawag na Earth Dragons Shield!"
Nang napansin ang ngiti sa mga sulok ng bibig ni Duan Ling Tian, ang dalagita sa kaniyang tabi ay hindi makapagpigil na magtanong, "Young Master, ano ang iyong iniisip?"
Natawa si Duan Ling Tian. "Wala. Matagal na tayong nasa labas, bumalik na tayo para hindi mag-alala si ina."
Noong gabing iyon, bumalik si Duan Ling Tian sa kanyang silid ng maaga at humiga sa kanyang kama.
Siya ay nakatitig sa kisame habang siya ay natutulala.
Sa kanyang puso, siya ay nag-iisip tungkol sa mga martial skills...
Isang mahiwagang pinto ang dahan-dahang bumubukas sa kaniyang harapan.
Nang sumunod na araw, dinala palabas ni Duan Ling Tian ang dalagita, at iniwan ang lugar ng Li Clan.
Plano niyang bumili ng ilang medicinal materials para sa Seven Treasures Body Tempering Liquid at para na rin sa ibang gamit nito.
Para naman sa Thunder Flame Pills, hiniling ni Duan Ling Tian kay Grand Elder Li Huo na gumawa ng ilang daan para sa kanya bago siya umalis ng Fresh Breeze Town, higit pa ito sa sapat para sa kanya at kay Ke Er na gamitin hanggang sa sila'y makayapak sila sa Core Formation stage...
Ang pares ay mabilis na nakarating sa pinakamalaking pamalihan ng kalakalan sa buong lungsod.
Ang sobrang magandang mukha ng dalagita ay nakakaakit ng maraming nag-aapoy na tingin mula sa malilibog na mga lalaki. Sinundan ng kanilang mga mata ang dalagita hanggang sa pagpasok niya sa isang marangyang medicine store.
"Ano po ang aming maitutulong sa inyo?"
Sa sandaling pumasok si Duan Ling Tian kasama ang dalagita, personal na binati ng manager ang mga ito, mahinhin ang kanyang tono.
Napansin niya ang crest ng Li Clan sa kanilang mga damit.
Ang Li Clan ay isang colossus sa Aurora City; kahit ang kanyang medicine store ay inupahan lamang mula sa Li Clan ...
Pagkatapos sabihin sa kaniya ni Duan Ling Tian ang tungkol sa mga medicinal materials na kailangan niya para sa Seven Treasures Body Tempering Liquid, nagpatuloy siya, "Bukod diyan, maghanda ka ng ilang Spirit Tempering Grass, Amber Lead, at Fifty-Year-Old Blood Lingzhi."
"Aking mamimili, gaano karaming three spirit medicines ang iyong kailangan?" ang manager ay magalang na nagtanong.
"Dalawampung libra ng Spirit Tempering Grass at ng Amber Lead. Para naman sa Fifty-years-old blood Lingzhi, kukuha ako ng limang libra."
Si Duan Ling Tian ay sandali pang nag-isip bago dahan-dahang tumugon, "Limang libra ng fifty-years-old blood Lingzhi?"
Ang manager ay hindi makapagsalita. Hindi siya makapaniwala kung ano ang kaniyang narinig. "Aking mamimili, hindi ka nagbibiro, tama? Ang iba mga spirit grass na iyong hinihiling ay mga karaniwang damo lamang at nagtutumbas ng maliit na halaga lamang... Ngunit ang Blood Lingzhi ay, sa kabila ng lahat, limampung taong gulang; ang limampung gramo pa lamang ay nagkakahalaga na ng isang libong pilak, paano pa kaya nag limang libra... "
"50,000 na pilak, tama ba?"
Umabot sa kaniyang bulsa si Duan Ling Tian at inilabas ang isang salansan ng mga perang papel na may isang libong denominasyon at ipinakita ito. "Huwag kang mag-alala, hangga't maihahanda mo ang mga medicinal materials, ang iyong makukuhang pilak ay hindi bababa."
"Tama, tama."
Nang makita si Duan Ling Tian na maglabas ng maraming perang papel, kuminang ang mga mata ng manager. Nang walang anumang pagdududa, dali-dali siyang nagtungo upang ihanda ang mga medicinal materials. "Aking mapagkakatiwalaang mamimili, maaari mong tignan kung mayroon ka pang ibang kailangan."
"Sige."
Si Duan Ling Tian ay tumango.
"Young Master, ang Blood Lingzhi ay napakamahal. Mayroon bang anumang espesyal tungkol dito?"
Ang dalagita ay mapaglarong inilabas ang kanyang dila, tinitingnan si Duan Ling Tian na may titig ng pagtatanong.
"Ginagamit ito bilang medicinal catalyst para sa medicinal liquid upang macultivate ang mga defensive martial skills. Ang limang libra ng Blood Lingzhi ay sapat lamang para sa atin na magamit sa loob ng dalawang buwan."
Si Duan Ling Tian ay bahagyang ngumiti.
Dalawang buwan?
50,000 na pilak?
Ang dalagita ay natigilan. Mayroon siyang gustong sabihin na isang bagay ngunit siya bahagyang nag-aalangan. "Young Master, hindi ba ito masyadong magara?"
Si Duan Ling Tian ay umiling. "Ke Er, dapat mong tandaan na kung gusto mong mapabuti ang iyong lakas, talagang hindi ka makatitipid sa pera... Ang pera ay isa lamang makamundong pag-aari, kung nagamit mo ang lahat ng ito, maaari ka pa ring makahanap ng paraan upang kumita ng higit pa."
Ang dalagita ay bahagyang tumango dahil napagtanto niya ang isang bagay at naintindihan ito.
"Kapatid Li Yuan, pagkatapos mong bumili ng ilang Blood Lingzhi, ang iyong Golden Bell Cover martial skill ay dapat makahakbang sa unang yugto, tama?"
Ang isang tunog ay ipinapadala mula sa labas ng medicine store, ito ay palapit ng palapit.
Golden Bell Cover?
Ang puso ni Duan Ling Tian ay kumibot.
Ang defense martial skill na ito ay kasama sa mga alaala ng Rebirth Martial Emperor dahil ito ay itinuturing na isa sa mga pinakamahusay na defensive martial skills sa middle grade Profound Rank.
Kapag matagumpay itong nacultivate, ang isa ay maaaring tumayo tulad ng isang hindi matinag na bundok, na parang isang gintong kuliling. Ang ordinaryong mga tao ay hindi magagawang sirain ang depensa.
"Oo, sa sandaling bumili ako ng dalawa at limampung gramo ng Blood Lingzhi sa oras na ito, magagawa kong yumapak sa unang yugto bago magsimula ang martial meet ng clan.
Ang isa pang tinig ay tumunog. Ang tinig na ito ay may bakas ng pagmamataas at katigasan.
Ang unang tinig ay bumuntong-hininga at naiinggit na sinabi, "Kapatid Li Yuan, tunay na ako'y inggit sa iyo, iyan ay nagkakahalaga ng limang libong pilak... Kung ang aking ama ay gumastos ng ganyan kalabis sa akin, ang aking Iron Arm Technique sana ay hindi nagtagal na magawa at hindi pa rin maaaring pumasok sa rudiments stage."
Sabi naman ng isa pa, "Gumawa ka ng paghahambing sa ganitong paraan: Ako ang nag-iisang anak sa pamilya, ngunit mayroon kang isang malaking kapatid na lalaki. Narinig ko na ang iyong kapatid na lalaki, si Li Zhong, ay nacultivate ang Iron Arm Technique patungo sa unang nitong yugto kalahating taon na ang nakaraan."
"Tama."
Ang boses ng unang tinig ay naglalaman ng bakas ng pagkainggit.
"Siya iyon!"
Nakilala ni Duan Ling Tian kung kanino galing ang unang tinig. Ito ay isang disipulo ng main clan, si Li Xiao, na kaniyang natalo kahapon sa outer court martial arts practice field.
Hindi niya inasahan si Li Xiao, na may dalawa o tatlo lamang sa kanyang mga buto sa daliri ang kaniyang binali, na may lakas na lumabas at makalakad sa palengke ngayon.
Sa mabilis na pag-iisip, naunawaan ni Duan Ling Tian.
Batay sa pinsala na natanggap ni Li Xiao kahapon, kung gumamit siya ng isang Grade Nine Gold Injury Pill, gagaling siya sa loob lamang ng isang gabi.
Paggamit ng Gold Injury Pill sa naturang bahagyang pinsala.
Ang mga disipulo ng main clan ay talagang maluho!
"Li Xiao, narinig ko na natalo ka sa isang bagong-dating na disipulo ng family branch kahapon, at ginamit pa niya ang Howling Tiger Fist laban sa iyo?"
"Kapatid Li Yuan, 'wag mong banggitin ito, ako ay minalas lamang kahapon. Sinong makakaalam na ang isang bagong dating na disipulo ng family branch ay nasa ika-walong antas ng Body Tempering stage at ang kanyang Howling Tiger Fist ay maaari nang makayapak sa yugto ng pagkadalubhasa... Ngunit ang kanyang Howling Tiger Fist ay tila hindi kumpleto. Kung magagawa kong icultivate sa pagkadalubhasa ang aking Howling Tiger Fist sa lalong madaling panahon, maaari ko siyang matalo!"
"Talagang kakaiba na ang isang disipulo ng family branch ay gumamit ng middle-grade na Profound Rank martial skill."
"Huwag mo na siyang banggitin. Oo nga pala, Brother Li Yuan, ang maliit na dalagita sa kaniyang tabi ay talagang magaan ang katawan at maganda, hindi mo ito maikukumpara kay Li Shi Shi."
"Mas maganda siya kay Li Shi Shi? Sigurado ka ba?"
...
Ang dalawang bata sa edad na labimpitong ay nag-usap habang sila ay naglalakad palabas sa medicine store.
"Ikaw!" sabi ni Li Xiao sa isang mababang tinig, tinitingnan ang pares na nakatalikod sa kanya. Nakilala niya ang itsura ng kanilang mga likod.
Si Li Yuan din ay tumingin patungo sa pares at nagtanong, "Li Xiao, kilala mo ang mga ito?"
"Kapatid Li Yuan, siya ang disipulo ng family branch na sinasabi ko sa iyo kanina, si Duan Ling Tian!" Sabi ni Li Xiao sa isang mababang boses.
"Mukhang may kapalaran sa pagitan namin. Ang Lunsod ng Aurora ay napakalaki, ngunit dito kami nagkita." Sinama ni Duan Ling Tian ang dalagita habang siya ay lumingon at ngumiti.
"Humph!" Ang ekspresyon ni Li Xiao ay bahagyang naging seryoso.
Gayunpaman, si Li Yuan sa kanyang tabi ay nakapako ang titig sa dalagita sa tabi Duan Ling Tian, hindi na magawang tumingin palayo.
Ang payat at kaaya-aya na dalagita na may isang hindi maitatangging napakarilag na mukha na sanhi sa kanyang puso na manginig.
Bumulong si Li Yuan sa kanyang sarili, "Siya ay talagang kahit konti ay hindi mas panget kay Li Shi Shi, at sa ilang mga puntos na mas maganda kaysa kay Li Shi Shi..."
Nang napansin ang hindi mapigilang titig ni Li Yuan, napakunot-noo ang dalagita.
"Hi, narinig ko ikaw ay isang disipulo ng family branch na dumating sa main clan. Paano kung tayo ay maging magkaibigan?"
Sa pag-alis ng kanyang nag-aalab na titig, lumakad palapit si Li Yuan sa isang maayos na paraan, na parang isang ganap na kakaibang tao 'di tulad kanina.
"Hindi kita kilala." Ang tinig ng dalagita ay malamig at seryoso, tila hindi ito maaaring lapitan.
"Kaya dapat natin kilalanin ang isa't isa simula sa sandaling ito... Ako si Li Yuan, isang disipulo ng main clan. Sa outer court, hangga't sasabihin mo ang aking pangalan, ang sinumang tao ay magbibigay sa iyo ng pansin at itatrato ka rin ng paggalang dahil sa akin."
Ang paraan ng pagsasalita ni Li Yuan ay napupuno ng pagmamataas.
"Oh? Nangangahulugan ba na ang mga disipulo sa outer court ay hindi maglalakas-loob na agrabyaduhin ka?"
Si Duan Ling Tian ay tumingin kay Li Yuan.
"Humph! Duan Ling Tian, lakas ni Kapatid Li Yuan ay nagraranggo ng ikatlo mula sa tuktok sa outer court. Kung ikaw ay matino, aalis ka na ngayon sa aking paningnin, baka si Kapatid Li Yuan ang magdadala sa iyo sa ilalim ng kaniyang pakpak dahil napakatino mo."
Bago pa makapagsalita si Li Yuan, umungol si Li Xiao.
"Oh, talaga?"
Si Duan Ling Tian ay nang-aasar na ngumiti. Hindi pinapansin ang mga mata ni Li Yuan na tila nag-aalab, hinawakan niya ang kamay ng dalagita at lumayo, na hindi pinapansin ang dalawa sa kanila.
Huminga ng malalim si Li Yuan at sinabi, "Hangga't handa kang maging kaibigan ko, maaari kitang bigyan ng isang malaking regalo. Limampung gramo ng Fifty-year-old na Blood Lingzhi.
Ito ay malinaw na sinabi sa dalagita sa tabi ni Duan Ling Tian.
Si Duan Ling Tian ay bahagyang tumawa habang sinabi niya sa dalagita, "Ke Er, ang ilang mga tao ay tunay na kuripot, nagnanais na suholan ka ng limampung gramo lamang ng Blood Lingzhi."
"Bumpkin, ano ang alam mo? Ang sinasabi ni Kapatid Li Yuan ay tungkol sa fifty-year-old blood Lingzhi, ang limampung gramo ay nagkakahalaga na ng dalawang libong pilak... Ang isang bumpkin na tulad mo marahil ay hindi kayang makagawa ng kahit isang daang pilak na barya, tama ba?
Pang-aaasar ni Li Xiao.
ของขวัญ
-- ได้รับของขวัญแล้ว สถานะพลังงานรายสัปดาห์
200+ การจัดอันดับด้วยพลัง 
131 หินพลัง 
ความคิดเห็นย่อย