บท 385: Ang Ikalawang Clone

"Ang susunod na gamit ang magsisimula sa huling auction. Para masimulan ang pagtatapos sa pagtitipong ito, ang gamit na ito ay isa sa tatlong pinakamahahalagang gamit sa pagtitipong ito—ang ginintuang dahon mula sa sinaunang Klass tree," sigaw ng matandang pagong na lalaki kasabay nito ang pagpapakita ng imahe ng isang mukhang pangkaraniwan at ginintuang dahon sa screen na nasa tabi ng host. Pero mukhang may ibang mararamdaman ang kahit sinong tumingin sa dahong ito. Dito na nagsimulang mag-usap-usap ang hindi mabilang na fighters na nakaupo sa kani-kanilang upuan.

"Ano ang sinaunang Klass tree na ito?"

"Ano ang bagay na iyon?"

"Wala akong ideya." 99.9% sa higit isang milyong sector lord na dumalo ang walang kaideya-ideya sa kung anong klase ng bagay ito.

Naconfused din si Luo Feng at napatanong, "Ano ba ang bagay na ito Babata?"