Capítulo 7: Walang may pakialam
(D)
Kamusta ka?
Mukhang hindi ka ayos ah.
(M)
Hindi. Ako? Okay lang ako
Hindi. Ako? Okay lang ako
Hindi Ako, Okay... lang talaga ako
(D)
Simulan natin sa dulo.
Kuwadradong gumugulong
Tatsulok na walang tuktok
Bago pero nabubulok
Ikaw ba'y naguluhan?
Madalas talagang gan'yan
May nais akong sabihin
pero hindi maintindihan
Kaya madalas nahuhusgahan
(M)
May nais kaming sabihin
Pero hindi maintindigan
Nag-iinarte lang daw naman
Kaya madalas nahuhusgahan
At pinagtatawanan na lang
(B)
Ito ba talaga ang kalagayan?
o baka hindi n'yo lang kami mariing pinakikinggan
Sinimulan ko ang dulo.
(M)
Simulan natin sa simula
Kung kailan ang lahat ay gumugulong pa ng tama
Ang tuktok ay malinaw na nakikita
At ang bago ay hindi nasisira
Sa simulang puno pa ng tiwala
Walang pambabalewala
Kasiyahan lamang ang kumakawala
Ngunit nakalimutan ko,
Oo nga pala, hindi lang laging simula
At nagkaroon nga ng karugtong ang simula
Nagulo, nagbago, nagbago ang hugis ng dating perpektong bilog na mundo
At huminto ang tamang paggulong ng lahat
Nanlabo ang mga matang mulat na mulat
Kaya't ang tuktok na inaasam-asam ay hindi ko na ata malalasap
Sa kasariwaan ang bago'y naging salat.
Ang dating matamis ay naging maalat.
Ang simula nga ay narugtungan
At ang karugtong na ito, kahit sino ma'y hindi magugustuhan
Dahil sa bawat pagkilos, paglingon, pagbaling ay...
(B)
Nakikita namin ang inyong mga tinging mapangmata
Naririnig namin ang ang inyong mga bulong na mapanghusga
Nararamdaman naming ang turing niyo sa amin ay iba
Nakakatawa, kami ay tulad niyo rin naman di ba?
(M)
Ito ang simula
(D)
Simulan nating muli ang dulo
Kuwadradong gumugulong
Oo, imposible pero pilit kong pinapasulong
ngunit sa bawat hakbang mas lalo lang umuurong
Kaya pinili ko na lang ang makulong
Sa loob ng aking kwadrado, sa ilalim ng aking bubong
Tatsulok pero walang tuktok
Tatsulok na pilit kong inaakyat
Ngunit kay raming humihila sa akin pababa- pabulusok
Hindi maabot ang rurok
Kaya pinili ko na lang ang maupo
Sa madilim na sulok
Bago pero nabubulok
Dahil ako'y buhay
ngunit matatawag ko ba itong buhay?
(B)
Ito ang aming kalagayan
ngunit hindi n'yo kami pinakikinggan
Nag-iinarte lang daw naman
Kaya't pagtatawanan na lang
(M)
Pinilit kong muling simulan sa simula
Binago kong muli ang hugis ng mundo upang muling gumulong ng tama
Ngunit pilitin ko mang muling pagulungin ay may kalso na
Pinalinaw kong muli ang mga mata
Nang sa ganoon ang tuktok ay muling makita
Ngunit pilitin ko mang akyatin ay muling dumadaosdos pababa
Nanghina na nang tuluyan ang aking mga tuhod at paa
Tuluyan nang nabulok ang lahat
Hindi na muling tatamis ang maalat
(B)
Ito ang aming realidad
Yayakapin na namin ng maluwat
(D)
Wala na akong pakialam kung...
Makita ko ang inyong mga tinging mapangmata
Hindi ako bulag pero magbubulag-bulagan na lang
Wala na akong pakialam kung...
Marinig ko ang inyong mga bulong na mapanghusga
Matatalim man ang inyong mga tinig ako'y magiging bingi na
(M)
Wala na akong pakialam kung...
Maramdaman kong ang turing niyo sa akin ay iba
Mamanhirin ko na ang sarili sa bigat na nadarama
Wala na akong pakialam kung..
Magtawanan man kayo
Tatawa na lang din ako
Magtawa na lang tayo di ba?
(D)
Sinimulan ko ang dulo- ang katapusan
Dahil dumating na ang panahon
Nawalan na ako ng pag-asa
(M)
Sadyang may dulo ang simula
Sa pagbukas ng pinto'y may pagsasara
Kaya ito'y ikinandado ko't
(B)
Sa lubid ako'y kumapit
Ngayon lang may yumakap sa akin ng gan'to kahigpit
(D)
Tsaka kayo gumising at nagnais akong tulungan
Kung kailan huli na ang lahat at hindi ko na kailangan
(M)
Sa lubid ako'y kumapit
Ngayon lang may yumakap sa akin ng gan'to kahigpit
(D)
Hindi ko na kayo kailangan
PENSAMENTOS DOS CRIADORES 
Dee_Makabuluhan
Dee_Makabuluhan Isa na naman pong kolaborasyon kasama si binibining Marilie Pajara
Status de energia semanal
-- Ranking de
Poder 
-- Pedra de
Poder