Capítulo 69: Kabanata 69: Ang Bagong Banta
Kabanata 69: Ang Bagong Banta
Habang binabagtas nila ang daan pauwi ng Hilltop, nagulat ang grupo sa isang kakaibang nilalang sa kalye—isang mutated zombie na maskulado, may taas na 10 talampakan, at may hawak na isang sira-sirang sasakyan.
"Vince, ilag mo ang sasakyan!" sigaw ni Mon.
Sa eksaktong sandali, ibinato ng higanteng zombie ang sasakyan sa kanila. Sa bilis ng reflex ni Vince, nailagan niya ito. Ngunit hindi pa natatapos ang peligro.
"Atras, Vince! Iikot mo ang sasakyan. Mukhang hahabulin tayo ng halimaw na 'yan!" utos ni Mon.
"Bahala ako," sagot ni Vince, iniikot ang mini bus at tinahak ang ibang direksyon.
---
Ang Habol ng Higante
Habang tumatakas, patuloy sa paghabol ang higanteng zombie, mabilis at nakakagulat para sa laki nito. Sa loob ng mini bus, nagpa-panic sina Rina, Shynie, at Emjay.
"Vince, bilisan mo! Malapit na siya!" sigaw ni Rina.
Si Mon, nakadungaw mula sa bintana, pinaputukan ang zombie gamit ang kanyang rifle. Pero kahit sa sunod-sunod na tama ng bala, hindi nito iniinda ang sugat.
"Hindi tayo makakabalik ng Hilltop sa lagay na 'to," sabi ni Mon. "Vince, hanap ka muna ng ligtas na lugar para makapagtago tayo pansamantala."
---
Pansamantalang Silungan
Sa kanilang pagtakbo, nakarating sila sa Peaksun Enterprise, isang malawak na parkingan na puno ng malalaking sasakyan tulad ng 12-wheeler na truck, excavator, at cement mixer.
"Dito muna tayo magtago," sabi ni Mon. "Tingnan natin ang mapa para maghanap ng ibang ruta."
Habang nagbubuklat ng mapa, natuklasan ni Mon ang RCC Truck Line, isang alternatibong daan na dadaan sa San Mateo. "Vince, dito tayo dadaan. Mas mahaba ang biyahe, pero ito lang ang ligtas na ruta papunta ng Hilltop. Pero mamaya na tayo aalis, bago lumubog ang araw. Pahinga muna tayo."
---
Pagpapahinga sa Peaksun Enterprise
Habang nasa loob ng naka-park na mini bus, nag-uusap ang grupo. Binuksan ni Macmac ang usapan.
"Grabe yung mga mutated na zombie. Isang tumatalon, isang maskulado, at yung mataba noon. Ano pa kaya ang ma-encounter natin?"
Sumagot si Emjay, "Dapat pangalanan natin ang mga mutated zombies para mas madaling tawagin sila."
Nagsimula ang brainstorming:
Vince: "Dun sa matabang zombie, magandang pangalan ay 'Fatty.' Simple, kasi mataba siya at parang palaman sa tinapay."
Shynie: "Dun naman sa tumatalon, tawagin natin siyang 'Jumper.' Ang taas ng talon niya, parang laging nasa trampoline."
Emjay: "Yung maskulado, bagay siguro ang pangalang 'Batista.' Para siyang wrestler, lalo na sa laki ng katawan niya."
Tumawa si Rina. "Ang saya niyo pa rin mag-isip ng pangalan kahit nasa gitna tayo ng panganib!"
---
Paghahanda Para sa Biyahe
"Magpahinga na kayo," sabi ni Mon. "Mamaya tayo aalis, siguraduhin niyong handa ang lahat ng gamit niyo. Hindi natin alam kung ano pa ang sasalubong sa atin."
Habang nagpapahinga, ramdam ng grupo ang bigat ng mga mutated zombies na nakakaharap nila. Hindi lamang sila nilalang na basta sumusunod sa instinct, kundi tila mas malalakas, mas mabilis, at mas mapanganib.
Tila ang bawat hakbang pabalik ng Hilltop ay nagiging mas mapanganib kaysa dati.
Status de energia semanal
-- Ranking de
Poder 
-- Pedra de
Poder