Capítulo 5: Kabanata 5 - Desisyon ng Pag-alis
Kabanata 5 - Desisyon ng Pag-alis
Matapos maipon ang lahat ng kailangan, tumayo si Mon sa gitna ng Ace Hardware at kinausap ang mga natitirang survivor. Ang boses niya ay puno ng determinasyon, ngunit may halong pag-aalala.
"Alam nating lahat na hindi na ligtas dito. Sa dami ng tao sa mall, siguradong kalahati sa kanila zombie na. Ang iba naman, iniisip lang ang sarili nila. Ang gagawin natin, aalis tayo. Kung sino ang gustong sumama, sumama. Pero tandaan niyo, kapag nakalabas na tayo, kailangang makarating agad sa ating mga tirahan para sunduin ang pamilya at makaalis sa lungsod na 'to."
Nagkatinginan ang mga tao, ang ilan ay nag-aalangan, ngunit may mga nagdesisyong sumama. Isa na rito ang isang matandang lalaki, na kahit halata ang kahinaan ay may tapang sa mata. "Wala na akong pamilya, pero tutulungan ko kayo hangga't kaya ko," aniya.
Sumama rin ang ilang millennial gamers, na bagama't unang natuwa sa sitwasyon, ngayo'y unti-unti nang nararamdaman ang bigat ng realidad. "Game na, kuya. Hindi na 'to practice round," sabi ng isa, habang hawak ang improvised weapon na gawa sa tubo.
Nagtulungan silang magplano ng ligtas na ruta palabas ng mall. "Paglabas natin, maghahanap tayo ng mas tahimik na daan. Wag tayong magkakahiwalay," sabi ni Mon habang inaayos ang tali ng backpack niya.
Bago umalis, huling sinuri ni Mon ang kanyang mga gamit: isang crowbar, protective gear, bandages, antibiotics, at ilang pagkain at tubig na nakuha niya sa mall. Muli niyang pinaalalahanan ang grupo, "Pag nasa labas na tayo, kailangan mabilis ang kilos natin. Umiwas sa gulo at iwasang gumawa ng ingay."
Habang naglalakad sila papunta sa exit, dama nila ang bigat ng bawat hakbang. Ang tunog ng kanilang sapatos sa sahig ay tila mas malakas sa katahimikan ng paligid. Alam nilang hindi na sila pwedeng magkamali—isang maling galaw, at maaring ikamatay nila.
Sa kanilang paglabas ng mall, bumungad sa kanila ang mas matinding eksena—ang lansangan ng Fairview na puno ng mga nakahandusay na katawan, nagkalat na mga sasakyan, at mga zombie na gumagala sa paligid.
Status de energia semanal
-- Ranking de
Poder 
-- Pedra de
Poder