Main dabba use dekar bakiyoun ke paas jakar baith gayi aur Sidharth ko dekhne lagi ke wo khana kha raha hai ya nahi. kuch der dabbe ko ghurne ke baad usne dabba uthaya aur kholkar jaldi jaldi khane laga. ye dekh kar mujhe bahut khushi hui.
Khana khatam karne ke baad wo mere paas aaya dibba hath mein diya aur kaha " Thank you for this "
"My pleasure, fir bhuk lage toh bina jhijhak boldena "
" Ha zarur "
khate pite shaam ho gayi aur wapis jaane mein raat ho jati is liye tachers ke kehne par sabne wahi dera jama liya. suraj ko dubta hua dekh bahut achha nazara lag raha tha. maine apna phone nikala aur us nazare ki taasveer lene aage aage badh gayi jaate jaate kuch khubsurat phul aur ped paude aur titliya bhi nazar aai jinki taasveerein mein lete lete pata nahi kaha tak nikal gayi. jab suraj dub gaya aur andhera ho gaya tab maine chaha ke wapis jau, lekin mein rasta bhatak gayi thi. mujhe kuch nahi samajh aa raha tha ke ab kaha jau. jaise jaise waqt bit raha tha meri ghabrahat aur badh rahi thi, maine wapis jane ke liye apne phone mein map kholne ki koshish bhi ki lekin ek toh waha network nahi aaraha tha aur aa bhi raha tha jo thoda bahut kaabhi usme wapis jana mumkin nahi tha aur na maine mark laga kar save kiya tha ke sab kaha ruke hue hai.