Capítulo 313: Nasobrahan sa Pagsasaya (5)

"Young Master Su…" Hindi nila maintindihan kung bakit si Su Yu na nanunuod lang nang tahimik ay ngayon lang nagsalita.

"Huwag niyo na itanong kung bakit, kapag sinabi ni Young Master Su na huwag umalis, huwag kayong aalis. Kung gusto niyo naman galitin si Young Master Su, dapat maging handa kayo sa kapalit." Ngumiti si Wei Liao habang papatayo.

Kahit na ayaw ni Zhou Guangming na palagpasin ito, wala siyang lakas ng loob na suwayin si Su Yu, kaya wala siyang ibang pamimilian kung hindi pigilin ang galit niya.

Pagkatapos umalis ni Huo Mian, wala na sa mood si Su Yu para manatili pa kaya tumayo siya para umalis.

Ilang dosena rin ang sumunod sa kanya…

Pagkakita na paalis na si Su Yu, kaagad namang lumapit sa kanya si Huo Yanyan.

"Young Master Su… iniisip ko na…" Tumakbo si Huo Yanyan at matapang na hinarangan ang daan ni Su Yu.